ខេត្តព្រៃវែង÷ នៅថ្ងៃទី២០ ខែសីហា ឆ្នាំ២០១៦ នេះកម្លាំងកងរាជអាវុធហត្ថខេត្តព្រៃវែង ដឹកនាំដោយលោកអនុសេនីយ៍ឯកឯក ផាត់ សុជោត និងជាប្រធានមន្ទីរយុត្តិធម៌ បានចុះបង្ក្រាបបទល្មើសចែកចាយ និងប្រើប្រាស់គ្រឿងញៀនមួយករណីនៅចំណុចភូមិចាក់ខ្លាញ់ ឃុំពាមរ ស្រុកពាមរ ខេត្តព្រៃវែង។
លោកអនុសេនីយ៍ឯក បានប្រាប់អ្នកយកពត៌មានយើងឱ្យដឹងថា នៅក្នុងហេតុការនេះ គឺឃាត់ខ្លួនជន សង្ស័យបានម្នាក់ឈ្មោះ ចាន់ សុវណ្ណារ៉ូ ភេទប្រុសអាយុ១៦ឆ្នាំមុខរប សិស្សរស់នៅភូមិបាទីឃុំពាមរ ស្រុកពាមរ រួមជាមួយនឹងវត្ថុតាងមាន ម្សៅក្រាមពណ៌សចំនួន០២កញ្ចប់តូច និងម៉ូតូសង់កូរ៉េ០១គ្រឿង។
ទាំងនេះដោយមានការយកចិត្តទុកដាក់ពីសំណាក់លោក ប៉ែន ស៊ីប៊ន មេបញ្ជាការកងរាជអាវុធហត្ថខេត្តព្រៃវែង ដែលបានដាក់ផែន ការដល់ មន្ទីរយុត្តិធម៌ខេត្តផងដែរ បច្ចុប្បន្នជនសង្ស័យ និងវត្ថុតាងឃាត់ខ្លួន នៅមន្ទីរយុត្តិធម៌កងរាជអាវុធហ្ថតខេត្ត ដើម្បីកសាងសំណុំរឿងបញ្ជូន ទៅតុលាការចាត់ការតាមនិតិវិធី៕
