សៀមរាប៖ ស្ត្រីម្នាក់ដែលបានបង្ហោះសារតាមបណ្តាញ Tik Tok ថា ហូបពងស្ងោជួយការពារជំងឺកូវីដ១៩នោះ ត្រូវបានសមត្ថកិច្ចហៅមកអប់រំ ។
ស្ត្រីរូបស្រស់នេះមានឈ្មោះ ដុស សុខឡី អាយុ ២៩ឆ្នាំ រស់នៅភូមិទក្សិណត្បូង សង្កាត់គោកចក ក្រុងសៀមរាប មុខរបរជាអ្នកលក់ខោអាវដែលកាលពីថ្ងៃទី២៦ ខែមីនា ឆ្នាំ២០២០កន្លងទៅ នាងបានបង្ហោះឃ្លិបវីដេអូទិកតុកថាមានទារកទើបកើតភ្លាមចេះនិយាយពីរបីម៉ាតប្រាប់ថាស្ងោពងមាន់ហូបម្នាក់មួយគ្រាប់ការពារជម្ងឺកូវិតបាន។ក្រោយការបង្ហោះសារបំផុសបែបនេះ បាននាំឱ្យប្រជាពលរដ្ឋខ្មែរមួយចំនួននាំគ្នាជឿ ហើយទៅទិញពងយកមកស្ងោរនាំឱ្យពងមាន់ពងទាឡើងថ្លៃហើយបាត់ម្ចាស់ការការពារខ្លួនផងដែរ ។
ស្ត្រីរូបនេះ ក៏បានធ្វើកិច្ចសន្យាបញ្ឈប់សកម្មភាពខុសឆ្គងបែបនេះរបស់នាងផងដែរ ៕
