ខេត្តរតនៈគីរី ៖ ហេតុការណ៍នេះបានកើតឡើងនៅវេលាម៉ោង១៧.៣០នាទី នៅចំណុចភូមិព្រួកឃុំបាតាង ស្រុកលំផាត់ ខេត្តរតនគីរី ។
យោងតាមសាក្សីនៅកន្លែងកើតហេតុបានឲ្យដឹងថាជនរងគ្រោះឈ្មោះ លួច ដែន ជនជាតិទំពួន បានឌុបកូនអាយុ៣ឆ្នាំ ដើរលេងតាមផ្លូវថ្នល់ពីទិសខាងជើងទៅទិសខាងត្បូង ស្រាប់តែមានរថយន្តម៉ាក Lexus R300 ពណ៌ខ្មៅ ពាក់ស្លាកលេខ.2.I.3951 បើកបរស្របទិសគ្នាក្នុងល្បឿនយ៉ាងលឿន មកដល់ចំណុចកើតហេតុ ស្រាប់តែរថយន្តរេចង្កូតមកបុកចំពីក្រោយ ជនរងគ្រោះពេញទំហឹង បណ្តាលឲ្យជនរងគ្រោះជាឪពុកស្លាប់នៅនឹងកន្លែងកើតហេតុ ចំណែកកូនរងរបួសយ៉ាងធ្ងន់ ដឹកយកទៅសង្គ្រោះបន្ទាន់ នៅមន្ទីពេទ្យបង្អែកស្រុកលំផាត់។
ក្រោយសមត្ថកិច្ចធ្វើការវាស់វែងចប់សព្វគ្រប់ សាកសពជនរងគ្រោះត្រូវបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ។ រីឯរថយន្តនិងម៉ូតូសមត្ថកិច្ចនគរបាលយកទៅរក្សាទុកនៅអធិការដ្ឋាននគរបាលស្រុករង់ចាំធ្វើការដោះស្រាយតាមផ្លូវច្បប់់៕
