ភ្នំពេញ ៖ ក្រសួងសុខាភិបាលកម្ពុជា បានប្រកាសអោយដឹងថាក្រសួងបានរកឃើញវិជ្ជមានកូវីដ១៩ ថ្មីចំនួន៩ករណីទៀតហើយ។ក្នុងនោះមាន៣ករណីនៅខេត្តកែប ១ករណីនៅខេត្តសៀមរាប ១ករណីនៅខេត្តកំពង់ឆ្នាំង ២ករណីនៅភ្នំពេញ ១ករណីនៅខេត្តកោះកុង និង១ករណីទៀតនៅខេត្តត្បូងឃ្មុំ ។
គិតត្រឹមថ្ងៃទី១៧ ខែមីនា ឆ្នាំ២០២០ ក្រសួងសុខាភិបាលបានរកឃើញករណីយ៍វិជ្ជមានកូវីដ១៩ថ្មី ចំនួន ២១ករណីបន្ថែមទៀត ដែលសរុបទាំងអស់មាន ៣៣ករណីហើយ។ គួរបញ្ជាក់ផងដែរថា ដោយសារតែការរាតត្បាតវីរុសកូវីដ១៩ រដ្ឋាភិបាលកម្ពុជា បានប្រកាសអោយសាលាទូទាំងប្រទេស និងគ្រប់កម្រិតសិក្សាអនុវត្តវិស្សមកាលតូចមុនកាលកំណត់ ហើយថ្ងៃនេះដែរក៏បានប្រកាសអោយបិទ KTV រោងកុន ក្លឹបកំសាន្ត និងហាមមិនអោយមានការជួបជុំប្រគំដន្ត្រីនិងរៀបចំពិធីសាសនាផ្សេងៗនោះឡើយ។ខាងធនាគារជាតិក៏បានចេញសេចក្តីប្រកាសអំពីការបញ្ចុះតម្លៃអត្រាការប្រាក់ផងដែរដើម្បីជួយសម្រាល។
ជាមួយនិងថវិការដែលបានត្រៀមជាច្រើនរយលានដុល្លារអាមេរិកក្រសួងសុខាភិបាលបានសម្រេចយកសណ្ឋាគារក្រេតឌូក(អតីតសណ្ឋាគារអ៊ិនធឺកុងទីណងា់តាល់)ធ្វើជាកន្លែងសំចតតាមដាននិងព្យាបាលអ្នកជម្ងឺកូវិដ១៩។ថែមលើនេះបើយោងតាមការចុះផ្សាយនៅក្នុងភេកផ្លូវការរបស់ស្ថានទូតចិន ប្រចាំនៅកម្ពុជាបាចេញផ្សាយកាលពីព្រឹកមិញនេះថា សម្ភារៈប្រើប្រាស់សម្រាប់ប្រយុទ្ធនឹងជំងឺកូវីត១៩ (COVID-19) ដែលជំនួយរបស់រដ្ឋាភិបាលចិន អាចនឹងដឹកមកដល់ប្រទេសកម្ពុជានៅយប់ថ្ងៃទី១៧ ខែមីនា ឆ្នាំ២០២០នេះ។
បើតាមការបញ្ជាក់របស់ស្ថានទូតចិនប្រចាំនៅកម្ពុជា តាមរយៈទំព័រ Facebook សម្ភារៈប្រើសម្រាប់ប្រយុទ្ធប្រឆាំងជំងឺកូវីត១៩ ឬហៅថា «Detection Reagent» គឺសម្រាប់មនុស្សប្រមាណ ២ពាន់នាក់។ សម្ភារៈនេះ នឹត្រូវប្រគល់ជូនទៅក្រសួងសុខាភិបាល។ ស្ថានទូតចិន បានអះអាងទៀតថា ប្រទេសចិន នឹងបន្តផ្តល់ជំនួយជាសម្លៀកបំពាក់ការពារ ម៉ាសវេជ្ជសាស្ត្រ និងសម្ភារៈផ្សេងទៀតជាបន្តបន្ទាប់ ហើយក៏នឹងខិតខំផ្តល់ជាកម្លាំងគាំទ្រក្នុងកិច្ចការទប់ស្កាត់ជំងឺកូវីត១៩ផងដែរ ៕
