ខេត្តបន្ទាយមានជ័យ ៖ ស្ទាវពូកែខាងកាប់ចាក់៧នាក់ព្រួតគ្នាកាប់ក្មេងប្រុសម្នាក់បណ្តាលឲ្យដាច់ត្រឹមកដៃត្រូវបានកំលាំងនគរបាលស្រុកមង្គលបូរីឃាត់ខ្លួនបាន៥នាក់ចំណែក២នាក់ទៀតរត់គេចបាត់នៅចំណុចផ្សារហ៊ុយឡេង ស្ថិតក្នុងភូមិសឿ ឃុំសឿង ស្រុកមង្គលបូរី ខេត្តបន្ទាយមានជ័យ នៅវេលាម៉ោង៨និង១០នាទីយប់ថ្ងៃទី១៦ខែមីនា ឆ្នាំ២០២០។
លោក ស៊ីន ណារ៉ាក់ អធិការនគរបាល ស្រុកមង្គលបូរីបានឲ្យដឹងថា : នៅវេលាម៉ោង៨ និង១០នាទីយប់នោះនៅចំណុច ផ្សារហ៊ុយ ឡេង មានក្មេង១ក្រុមមាន គ្នា៧នាក់បានជិៈម៉ូតូធ្វើសកម្មភាពកាប់ទៅលើក្មេងជំទង់ម្នាក់ឈ្មោះដេត វណ្ណលីដាភេទប្រុសអាយុ១៥ឆ្នាំ នៅភូមិបុស្បឡោក ឃុំសឿ ស្រុកមង្គលបូរី ខេត្តបន្ទាយមានជ័យ បណ្តាលឲ្យដាច់ដៃស្តាំ។
សមត្ថកិច្ចតាមបញ្ជារស្នងការបានដឹកយកទៅសង្គ្រោះនៅមន្ទីរពេទ្យបង្អែកមិត្តភាពកម្ពុជា ជប៉ុន នៅស្រុកមង្គលបូរី ចំណែកជនបង្កវិញក្រោយពីធ្វើសកម្មភាពរួចទាំង៧នាក់ បានជិៈម៉ូតូរត់គេចខ្លួនបាន៧ម៉ោង ត្រូវចាប់ឃាត់ខ្លួនបានជាបន្តបន្ទាប់ចំនួន៥នាក់។កម្លាំង នគរបាលអធិការដ្ឋាននគរបាលស្រុកមង្គលបូរី និងកម្លាំងនគរបាលប៉ុស្តិ៍រដ្ឋបាលឃុំសឿ ចុះធ្វើការស្រាវជ្រាវឈានដល់ឃាត់ខ្លួនជនដៃដល់មានឈ្មោះ ១ផាន់ ធីវ៉ា ភេទប្រុសអាយុ២២ឆ្នាំ ដកហូតបានដាវសាម៉ូរ៉ៃ១ជននេះកំពុងជក់គ្រឿងញៀនយ៉ាងសកម្មទៀតផង ដែលបានកាប់ទៅលើជនរងគ្រោះឈ្មោះ ដេត វណ្ណលីដា បណ្តាលឲ្យដាច់ដៃខាងស្តាំ។
ជនបង្កទី២ឈ្មោះ រឿង កាំម៉ាឡៃ ភេទប្រុសអាយុ១៧ឆ្នាំ ជាអ្នកសមគំនិត។៣ឈ្មោះដុង វណ្ណនីត ភេទប្រុសអាយុ១៨ឆ្នាំ ជាអ្នកសមគំនិត។ ៤ឈ្មោះ ធាង ចាន៉ណា ភេទប្រុសអាយុ ១៨ឆ្នាំ ជាអ្នកសមគំនិត។ ៥ឈ្មោះ មាស យ៉ត ភេទប្រុសអាយុ១៨ឆ្នាំ ជាអ្នកផ្តើមគំនិតហៅ គ្នីគ្នាគេមកកាប់កាប់ជនរងគ្រោះ ។
ឈ្មោះ ផាន់ ធីវ៉ា ជាជនដៃដល់បានសារភាពថា ពួកគេពិតជាបានជិៈម៉ូតូធ្វើសកម្មភាពកាប់ទៅលើជនរងគ្រោះពិតមែន តែគ្មានបំណងកាប់ឈ្មោះដេត វណ្ណលីដាទេ គឺបំណងកាប់បងប្រុសរបស់គេ ឈ្មោះ ដេត ឈិនឡុង ដោយឈ្មោះមាស យ៉ត ជាគ្នារបស់គេបានតេទូរស័ព្ទប្រាប់ថា ឈ្មោះដេត ឈិនឡុង បានវាយគេ គេពឹងឲ្យជួយសងសឹកឲ្យផង។តែ ពេលជិៈម៉ូតូដល់កន្លែងកើតហេតុឃើញឈ្មោះដេត វណ្ណលីដា ជាប្អូនជិៈម៉ូតូរបស់បងគេ ក៏កាប់១ដាវចំដៃ ដោយស្មានតែឈ្មោះឈិនឡុង ដែលជាគូទំនាស់ជាមួយឈ្មោះមាស យ៉ត ។
លោកអធិការរបានវាយតម្លៃថាករណីនេះ គឺផ្តើមចេញពីឈ្មោះមាស យ៉ត ដែលស្រឡាញ់នារីម្នាក់ជាសង្សារបស់គេ ហើយចាស់ទុំខាងឈ្មោះដេត ឈិនឡុង ជាភាគីរងគ្រោះ មានបំណងចង់ដណ្តឹងនាងនោះមកឲ្យកូនដេត ឈិនឡុងដល់ឈ្មោះមាស យ៉ត មានចិត្តប្រច័ណ្ឌជាមួយឈ្មោះឈិនឡុង ក៏តេទូរស័ព្ទកុហកគ្នីគ្នាគេចោទប្រកាន់ទៅលើឈ្មោះ ឈិនឡុង ថាបានវាយមកលើខ្លួន ៕
