ភ្នំពេញ ៖ ក្រសួងសុខាភិបាល នៅថ្ងៃទី១៦ ខែមីនា ឆ្នាំ២០២០នេះ បានស្នើឱ្យអភិបាល-រាជធានីខេត្តទាំងអស់ បង្កើតគណៈកម្មការដើម្បីប្រយុទ្ធនឹងជំងឺកូវីដ១៩។ នេះបើតាមលិខិតរបស់លោក ម៉ម ប៊ុនហេង រដ្ឋមន្ត្រីក្រសួងសុខាភិបាលបានផ្ញើទៅកាន់អភិបាលរាជធានី-ខេត្ត ដែលបណ្តាញព័ត៌មាន ទទួលបានរសៀលថ្ងៃទី១៦ ខែមីនា ឆ្នាំ២០២០។
ដើម្បីចូលរួមរំដោះគ្រោះនិងប្រឆាំងមេរោគកូវិដនេះដែរនៅរសៀលថ្ងៃទី២៣ ខែមីនា ឆ្នាំ២០២០ ខាងមុខនេះ គ្រប់វត្តអារាមនៅក្នុងប្រទេសកម្ពុជា នឹងចាប់ផ្ដើមទូងស្គរយ៉ាងកងរំពង និងការសូត្រធម៌តាមសាសនា ដើម្បីកម្ចាត់គ្រោះមហន្តរាយដែលបង្កឡើង ដោយមេរោគកូវីដ១៩។ នេះបើតាមសេចក្តីប្រកាសរបស់គណៈសង្ឃនាយក នៅថ្ងៃទី១៦ ខែមីនា។
សូមបញ្ជាក់ថា រហូតដល់ពេលនេះ គិតត្រឹមថ្ងៃទី១៤ ខែមីនា ឆ្នាំ២០២០នេះ កម្ពុជាបានរកឃើញកូវីដ១៩ ចំនួន១២ករណីហើយ ដោយក្នុងនោះមាន៖
ទី១៖ បុរសជនជាតិចិន មកពីទីក្រុងវូហាន (ជាសះស្បើយ)។
ទី២៖ បុរសជនជាតិខ្មែរ វ័យ៣៨ឆ្នាំ នៅខេត្តសៀមរាប។
ទី៣៖ ស្ត្រីជនជាតិអង់គ្លេស វ័យ៦៥ឆ្នាំ អ្នកដំណើរនាវា Viking Cruise Journey នៅខេត្តកំពង់ចាម។
ទី៤៖ បុរសជនជាតិអង់គ្លេស វ័យ៧៣ឆ្នាំ អ្នកដំណើរនាវា Viking Cruise Journey នៅខេត្តកំពង់ចាម។
ទី៥៖ ស្រីជនជាតិអង់គ្លេស វ័យ៦៩ឆ្នាំ អ្នកដំណើរនាវា Viking Cruise Journey នៅខេត្តកំពង់ចាម។
ទី៦៖ បុរសជនជាតិកាណាដា អាយុ៤៩ឆ្នាំគ្រូបង្រៀន នៅរាជធានីភ្នំពេញ។
ទី៧៖ បុរសជនជាតិប៊ែលហ្សិក អាយុ៣៣ឆ្នាំមន្ត្រីអង្គការ នៅរាជធានីភ្នំពេញ។
ទី៨៖ បុរសជនជាតិបារាំង អាយុ៣៥ឆ្នាំទើបមកពីបារាំង នៅរាជធានីភ្នំពេញ។
ទី៩៖ ទារកជនជាតិបារាំង អាយុ៤ខែ នៅរាជធានីភ្នំពេញ។ទី១០៖ បុរសជនជាតិខ្មែរ នៅរាជធានីភ្នំពេញ
ទី១១៖ បុរសខ្មែរឥស្លាម នៅខេត្តព្រះវិហារ អាយុ៣៥ឆ្នាំ នៅខេត្តព្រះវិហារ។
ទី១២៖ បុរសខ្មែរឥស្លាម អាយុ៣៩ឆ្នាំ នៅខេត្តព្រះវិហារ។
