ភ្នំពេញ ៖ មន្ត្រីសាលារាជធានីភ្នំពេញម្នាក់ ត្រូវបានក្រុមគ្រួសារប្រទះឃើញចង កស្លាប់ស្អុយរលួយនៅក្នុងបន្ទប់ទឹកជាន់ទី៣នៅក្នុងផ្ទះលេខ៦០ ផ្លូវលេខ១ ក្នុងបុរី លឹម ឈាងហាក់ ភូមិក្រោលគោ សង្កាត់គីឡូម៉ែត្រលេខ៦ ខណ្ឌឫស្សីកែវ កាលពីវេលាម៉ោង ២រសៀល ថ្ងៃទី១៦ ខែមីនា ឆ្នាំ២០២០ បន្ទាប់ពីបាត់ខ្លួនមួយសប្តាហ៍ ។
ជនរងគ្រោះឈ្មោះ គឹម ធី អាយុ ៣៨ឆ្នាំ មុខរបរជាមន្ត្រីសាលារាជធានីភ្នំពេញ មានប្រពន្ធ និងមានកូន ២នាក់ នៅក្នុងបន្ទុកគ្រួសារ ។
ជនរងគ្រោះបានបាត់ខ្លួនរយ:មួយសប្តាហ៍មកហើយ ប៉ុន្តែក្រុមគ្រួសារស្មានថាគាត់ទៅធ្វើការងារនៅខេត្ត ទើបមិនមានអ្នកណាដេញដោលសួររក ទាល់តែមានធុំក្លិនស្អុយពេញផ្ទះ ទើបនាំគ្នាដើររក ក៏ប្រទះឃើញ ចង កជាប់និងចម្រឹងបង្អូចក្នុងបន្ទប់ទឹកស្លាប់មិនដឹងពីថ្ងៃណាមក ។
អ្នកលាងរថយន្តនៅជិតផ្ទះឲ្យដឹងថា បុរសចងកខាងលើកាលពីថ្ងៃទី៨ ខែមីនា ឆ្នាំ២០២០ បានយករថយន្តមួយគ្រឿងម៉ាក ហាយលែនឌ័រ ទៅទុកទាំងសោឲ្យខ្លួនលាង ហើយក៏បាត់រហូតមិនឃើញមកយកវិញសោះ មិននឹកស្មានថា គាត់ចង កស្លាប់ដូច្នេះសោះ ។ សមត្តកិច្ចកំពុងធ្វើកោសល្យវិច័យលើសព ដើម្បីរកមូលហេតុពិត រួចប្រគល់សពឲ្យទៅក្រុមគ្រួសារធ្វើបុណ្យតាមប្រពៃណី៕
