កំពង់ឆ្នាំង៖ ស្ថាប័នអយ្យការព្រះរាជអាជ្ញាអមសាលាដំបូងកំពង់ឆ្នាំងបញ្ចេញកណ្ដាប់ដៃដឹកនាំមន្ត្រីកងរាជអាវុធហត្ថ ចុះឃាត់គ្រឿងចក្ររបស់ជនខិលខូចឈ្មោះ បួយ មិញតាំ ជនជាតិវៀតណាម ប្រើប្រាស់អត្តសញ្ញាណប័ណ្ណប្រជាពលរដ្ឋខ្មែរដែល ធ្វើសកម្មភាពលួចជីកកកាយយកអាចមន៍ដីរបស់គេគ្មានការអនុញ្ញាត្តិ នៅរសៀលថ្ងៃទី១២/មិនា /២០២០។
សមត្ថកិច្ចកងរាជ អាវុធ ហត្ថខេត្ត ដឹកនាំដោយលោក ទី មនិន្ទ ព្រះរាជអាជ្ញារង អមសាលាដំបូងខេត្ត កំពង់ឆ្នាំង បានចុះឃាត់គ្រឿងចក្រ កំពុងធ្វើសកម្មភាពលួចជីកយកអាចម៍ដី មួយកន្លែង ស្ថិតក្នុងភូមិដំបូកកកោះ ឃុំស្វាយជ្រុំ ស្រុករលាប្អៀរ ដោយពុំមាន ការអនុញ្ញាត្ត ពីម្ចាស់ដី។ ការឃាត់គ្រឿង ចក្រខាងលើនេះគឺយោងទៅតាមបណ្ដឹង របស់ម្ចាស់ដី ដែលបានប្ដឹង ដាក់ជូនទៅលោកព្រះរាជអាជ្ញាអមសាលាដំបូងខេត្តកំពង់ឆ្នាំងផងដែរ ។
ប្រភពព័ត៌មានពីម្ចាស់ដី ដែលបានដាក់ពាក្យបណ្ដឹងទៅកាន់តុលាការ បានបញ្ជាក់ថា រូបគាត់មាន ឈ្មោះ មិន ពុធជេដ្ឋានវណ្ណ ភេទប្រុស អាយុ៥១ ឆ្នាំ ជាមន្ត្រីរាជការផ្នែកសុខា ភិបាល មានទីលំនៅរាជធានីភ្នំពេញ បានទិញដីស្រែធ្វើស្រូវឡើងទឹក មួយកន្លែង ចំនួន ១ ហិកតា នៅចំណុចបឹងតម្រែក ស្ថិតក្នុងភូមិដំបូកកកោះ ឃុំស្វាយជ្រុំ ស្រុករលាប្អៀរ នៅក្នុងអំឡុងឆ្នាំ២០១៦ ហើយក៍បានកាន់កាប់អាស្រ័យផលរហូតមក ។
ស្រាប់តែនៅ ក្នុងអំឡុងពាក់កណ្តាលខែកុម្ភះ ឆ្នាំ២០២០ មានឈ្មោះ ប៊ួយ មិញតាំ ភេទប្រុស អាយុ ៣២ ឆ្នាំ ជាជនជាតិវៀតណាម ប្រើប្រាស់អត្តសញ្ញាណប័ណ្ណសញ្ជាតិខ្មែរ បានដាក់គ្រឿងចក្រជា ច្រើនគ្រឿង ទៅជីកយកអាចម៍ដីរបស់គាត់ ដោយគ្មានការអនុញ្ញាត្តិ ទោះបីតែគាត់ហាមឃាត់យ៉ាងណាក៏ឈ្មោះនេះមិនដែលស្ដាប់ដែរ។ក្រោយមកគាត់បានធ្វើពាក្យប្ដឹងទៅកាន់លោកមេឃុំស្វាយជ្រុំ ឱយជួយដោះស្រាយ លោកមេឃុំក៏បានកោះហៅឈ្មោះ បួយ មិនតាំ ជន ជាតិវៀតណាម ប្រើឈ្មោះអត្តសញ្ញា ណប័ណ្ណខ្មែររូបនេះ ទៅដោះស្រាយចំនួន ៣ លើកនៅសាលាឃុំ ប៉ុន្តែឈ្មោះនេះមិនចូលខ្លួនទៅដោះស្រាយឡើយ។
ហេតុនេះហើយទើបរូបគាត់ដាក់ ពាក្យប្ដឹងចូលទៅតុលាការដើម្បីចាត់ការតាមផ្លូវច្បាប់ ដោយទាមទារសំណងការខូចខាតចំនួន ២ រយលានរៀល ទាមទារអោយឈ្មោះនេះ ចាក់ដីលុប រណ្ដៅឱយដូចដើមវិញនិងសុំអោយ តុលាការ អនុវត្តទៅតាមផ្លូវច្បាប់ ។
ព្រមជាមួយគ្នានោះលោក ព្រះរាជអាជ្ញារង បានឃាត់មេការម្នាក់ ផងដែរដើម្បីយកទៅសាកសួរ ថាតើនរណាជាអ្នក បញ្ជារឲ្យជីកដីរបស់គេដោយគ្មានការអនុញ្ញាតបែបនេះ។
សូមរំលឹកដែរថា ឈ្មោះ បួយ មិនតាំង ដែលជាជនវៀតណាមប្រើប្រាស់ឈ្មោះខ្មែរ មានអត្តសញ្ញាណប័ណ្ណខ្មែរ បានទិញដីនៅតំបន់នោះ ដើម្បីអភិវឌ្ឍន៍ឲ្យប្រជាពលរដ្ឋរស់នៅផ្ទះបណ្ដែតទឹកឡើងគោក តាមគោលការណ៍របស់ខេត្ត ។ ប៉ុន្តែឈ្មោះនេះ បាននិងកំពុង តែដាក់ គ្រឿងចក្រ ជីកកកាយយកអាចម៍ដីពីបឹងបុរាណ១កន្លែង ស្ថិតនៅក្នុងតំបន់២ គឺបឹង(តម្រែក)ដែលត្រូវបានគេជីកយកអាចម៍ដីអស់ជាច្រើនសឹបហិកតា ដើម្បីយកមកចាក់លុបដីព្រៃលិចទឹកក្នុងតំបន់២នោះដែរ ក្នុងរូបភាពប្រែក្លាយទៅជាដីលំនៅដ្ឋាន ដោយរណ្ដៅដីនីមួយៗ ត្រូវបានគេជីកជំរៅពី៤ទៅ៥ ម៉ែត្រឯណោះ។
ឈ្មោះ បួយ មិញតាំ ខាងលើនេះ ក៏កំពុងត្រូវបានប្រជាពលរដ្ឋម្នាក់ផ្សេងទៀត បានអះអាងថា បានទិញដីពីគាត់ចំនួន៣៧ហិកតាតែប៉ុ ណ្ណោះ តែបានយកដីរបស់គាត់រហូតទៅដល់ ៤០ហិកតា ហើយពេលនេះក៍មានសំណុំរឿងដល់ដៃតុលាការផងដែរ៕