ភ្នំពេញ៖ ផលិតកម្មរូបភាពបានបញ្ចេញមុខតួឯកក្នុងភាពយន្តនាឡិកាដាស់វិញ្ញាណ វគ្គ២ ឬ The Clock Red Wallរបស់ផលតកម្មអិលឌី (LD Picture) តំណែងតួឯកស្រី គឺបានទៅ កញ្ញាឯក ប៉ូ គីមថេង សុធីតា នឹងតារាសម្តែងប្រុសគឺបុរសសង្ហាមីយ៉ាន់ម៉ា លោក ប៉ាង តាហុង ( Paing Takhon)។
សម្រាប់រឿងនេះបង្ហាញថា តារាបង្ហាញម៉ូតកញ្ញាឯក ប៉ូ គីមថេង សុធីតា បានសាងភាពភ្ញាក់ផ្អើលជាថ្មីក្រោយពីផលិតកម្ម មួយនេះបានបង្ហើបគម្រោងក្នុងការផលិតភាពយន្តខ្នាតធំថ្មីបន្តគឺភាពយន្តរឿង” The Clock Red Wall” ដែលសូម្បីតែតួឯកត្រូវបានជ្រើសរើសរួចជាស្រេចគឺកញ្ញាឯកអាស៊ីប៉ាស៊ីហ្វិកកម្ពុជា ឆ្នាំ២០១៩គឺ រូបកញ្ញាផ្ទាល់ ។
កញ្ញាប៉ូ គីមថេង សុធីតាត្រូវបាន គេស្គាល់ថាជាតារាបង្ហាញម៉ូតមានរូបសម្រស់ស្រស់សោភា និងមានទេពកោសល្យ ធ្លាប់ចូលរួមប្រកួតក្នុងកម្មវិធីMiss City tourism world 2017 នៅប្រទេសចិន រូបនេះ គឺជាតារាដែលជាប់ចំណាត់ថ្នាក់លេខ៤ ក្នុងកម្មវិធីAsia model festival 2018 នៅប្រទេសកូរ៉េ , ព្រឹត្តិការណ៍ Miss universe Cambodia 2019 ចំណាត់ថ្នាក់លេខ ៤ និង Miss Asia pacific International Cambodia 2019 នៅប្រទេសហ្វីលីពីន ហើយក៏ធ្លាប់ទទួលបានពានជាកញ្ញាឯករួសរាយជាងគេក្នុងព្រឹត្តិការណ៍ Got Miss congeniality Award។
រីឯតួឯកប្រុសវិញមានវ័យ២៤ឆ្នាំ គឺជាតារាម៉ូដែល តារាសម្តែងនិងជាអ្នកចម្រៀង ជនជាតិមីយ៉ាន់ម៉ា។ កាលពីឆ្នាំ ២០១៨ តារារូបនេះត្រូវបានជ្រើសរើសដោយ គេហទំព័រ BuzzFeed ថាជាបុរសសង្ហា ម្នាក់ក្នុងចំណោមបុរសទាំង២៣នាក់នៅតំបន់អាស៊ីអាគ្នេយ៍ លោកក៏បាន ជាប់ចំណាត់ថ្នាក់លេខ ២ ក្នុងកម្មវិធី“ កំពូលអ្នកសម្ដែង ១០ នាក់” របស់កម្មវិធី Myanmar Time កាលពីពេលកន្លងទៅដែរ។។ដូច្នោះក្នុងរឿងមួយនេះតួស្រីប្រុសសុទ្ធតែជាមនុស្សល្បីក្នុងវិថីសិល្បៈ
វាជាកិច្ចសហការផលិតភាពយន្តរួមគ្នារវាងផលិតករកម្ពុជា និងមីយ៉ាន់ម៉ាលើកដំបូងនេះនឹងទទួលបានភាពយន្ត ដែលមានគុណភាពប្រកួតប្រជែងលើទីផ្សារអន្តរជាតិ។
