(ពោធិ៍សាត់)៖ ពលរដ្ឋស្រុកភ្នំក្រវាញរាយការណ៍ថា ហេតុអ្វី? ឈ្មួញឈើល្បីល្បាញម្នាក់ឈ្មោះ លីហេង មានឥតពលខ្លាំងខ្លាម្លេះ ខណៈបុគ្គល(លីហេង)រូបនេះកំពុងអុកឡុកឈ្មួញបំផ្លាញព្រៃឈើដូចគ្នា បែជាទៅដើរតួឯកខាងប្រមូលលុយដើម្បីយកទៅឲ្យសមត្តកិច្ច បើជនប្រព្រិត្តបទល្មើសណាដែលហ៊ានរឹងទទឹងគេនឹងរាយការណ៍សហការណ៍ចាប់ដោយអោយសមត្ថកិច្ច កសាងឯកសារបន្តនីតិវិធី ទៅតុលាការ។
ប្រភពរាយការណ៍ខាងលើបន្តថា ឈ្មួញឈើ និងជាថៅកែផលិតកៅអីសាឡុងដ៏ល្បីល្បាញក្នុងស្រុកភ្នំក្រវាញឈ្មោះ លីហេង កំពុងអុកឡុកឈ្មួញដូចគ្នាដោយជំរិតទារលុយពីអ្នកបើកបររថយន្តដឹកគ្រឿងសង្ហារឹមចាប់ពី(២០ទៅ៤០)មុឺនរៀលក្នុងរថយន្ត ១គ្រឿងៗ ចំណែកគោយន្ដកន្ត្រៃដឹកឈើអារចាបលពី(២០ទៅ៣០)ម៉ឺនរៀល ក្នុង១គ្រឿងៗ បើជនណាហ៊ានទឹងទទឹងគេនឹងរាយការណ៍សហកាចាប់ បើឈ្មួញណាដែល(លីហេង)ទិសទាល់ពេកគាត់ប្រើកូនជឹងរបស់ជាឈ្មួញរកសុីដែរ ដើម្បីជំរិតទារលុយជំនួសគាត់ ។
ប្រភពរាយការណ៍ដដែលបន្តទៀតថា ថៅកែឈើផលិតសាឡុងមុខកាត់ធំៗឈ្មោះ លីហេង មិនត្រឹមតែប៉ុណ្ណោះទេ(លីហេង)ជំរិតទារលុយពីក្រុមជនប្រព្រិត្តបទល្មើសព្រៃឈើអារ.ច្រៀក.ដឹកជញ្ជូន ចេញពីក្នុងដែនជំរកសត្វព្រៃភ្នំឱរ៉ាល់ក្នុងរថយន្តកែច្នៃ ១គ្រឿង ចាប់ពីចំនួន ៧០០ដូល្លារឡើងទៅក្នុងមួយខែ ចុះរថយន្តកែច្នៃបំរើឲ្យបទល្មើសបំផ្លាញព្រៃឈើរាប់សិបគ្រឿងប៉ុន្មានលុយ ? ។
ប្រភពរាយការណ៍បន្ថែមថា ថៅកែឈើផល្លិតសាឡុងឈើមុខកាត់ធំៗល្បីល្បាញក្នុងស្រុកភ្នំក្រវាញ(លីហេង)ត្រូវបានគេបង្ហើបថា(លីហេង)ធ្វើបែបនេះទៅបានក៍ដោយសារតែគាត់ ជាមិត្តភ័ក្រនឹងឈ្មោះ ណុប ថេត ជាមន្ត្រីអង្កការសម្ព័នមិត្តសត្វព្រៃ(វៃអេត)លោក ណុប ថេត មានតួនាទីជាជំនួយការជនជាតិបរទស និងជាប្រធានស្នាក់ការអង្កការសម្ព័ន្ធមិត្តសត្វព្រៃ ស្ថិតក្នុងភូមិរវាង ឃុំសំរោង ស្រុកភ្នំក្រវាញ ខេត្តពោធិ៍សាត់ ដូច្នេះហើយគេមិនដឹងមានការឃុបឃិតពីលោក ណុប ថេត ដែរឬយ៉ាងណាទេ ប៉ុន្តែ(លីហេង)ដើម្បីពង្រីកមុខរបររបស់ខ្លួន និងប្រយោជន៍ផង ធ្វើដោយមិនញញើតដៃបើទោសជាអ្នកស្រុកភ្នំក្រវាញជាមួយក៍ដោយ ទោះបីប្រភពរាយការណ៍លើកឡើងបែបនេះក្ដី អ្នកយកព័ត៌មានគេហទំព័រ(ភ្នំពេញថ្មី) ពុំអាចស្វែងរកលេខទូរស័ព្ទ(លីហេង)ជាថៅកែឈើល្បីល្បាញ និងលោក ណុប ថេត មន្ត្រីអង្កការសម្ព័ន្ធមិត្តសត្វព្រៃ ដើម្បីសុំការពន្យល់អំពីការលើកឡើងនេះបានទេ ៕
