ភ្នំពេញ ៖ សិល្បការិនីកម្ពុជា កញ្ញា បុស្បា ប៉ាន់បានធ្វើឲ្យមានការស្ងើចសើរនៅពេលដែលដឹងថាកញ្ញា ទទួលបានចំណាត់លេខ១លើការប្រកួតតែងនិពន្ធបទចម្រៀងមួយនៅលើទឹកដីនៃសហរដ្ឋអាមេរិក។
បុស្បា ប៉ាន់នាង បានបញ្ចប់ថ្នាក់បរិញ្ញាបត្រលើជំនាញតន្ត្រី និងនិពន្ធនាសាកលវិទ្យាល័យ The New England Conservatoryនារដ្ឋប៊ូស្តុននៃសហរដ្ឋអាមេរិក កាលពីឆ្នាំមុន ហើយពេលនេះនាងបាននិងកំពុងបន្តការសិក្សាលើថ្នាក់បណ្ឌិតលើជំនាញមួយនេះបន្ថែមទៀតទៀតផងដែរ។ សម័យនេះបុស្បាប៉ាន់គឺយុវជនខ្មែរទីមួយដែលបញ្ចប់ការសិក្សាថ្នាក់បណ្ឌិតលើជំនាញផ្នែកនិពន្ធបទភ្លេងមកពីសហរដ្ឋអាមេរិក។
នាងបានដាក់ពាក្យចូលរួមប្រកួតនិពន្ធបទភ្លេងមួយដែលរៀបចំដោយវិទ្យាស្ថានតន្ត្រីអាស៊ីថ្មី / អាស៊ីអាមេរិច (AANMI)។ ប្រកាសលទ្ធផលនាងទទួលបានជ័យជម្នះ ក្នុងចំណាត់ថ្នាក់កំពូលគេក្នុងចំណោមបេក្ខជនជាច្រើនរូប។ កញ្ញាបុស្បា ប៉ាន់ ដែលគេស្គាល់ថាជាក្មួយស្រីបង្កើតរបស់សម្មិទ្ធករភាពយន្តដ៏ល្បីល្បាញលើឆាកអន្តរជាតិគឹលោកប៉ាន់រិទ្ធី។
១០ ឆ្នាំមុនក្នុងគ្រាកុមារដែលមានតូចឆ្មាគ្រលួចនាងធ្លាប់ធ្វើឲ្យកក្រើកក្នុងព្រឹត្តិការណ៍ប្រគំតន្ត្រីអន្តរជាតិជាច្រើនពិសេសកម្មវិធីតន្ត្រីមួយដ៏ធំនៅមុខប្រាសាទបាយ័ន។ នាងបានទទួលអាហារូបករណ៍ និងចេញទៅសិក្សានៅសហរដ្ឋអាមេរិកកាលពីអំឡុងឆ្នាំ ២០១៣។ ឆ្នាំនេះបុស្សបាប៉ាន់មានវ័យ២១ឆ្នាំហើយ នាងកំពុងរស់នៅជួបជុំក្រុមគ្រួសារនៅទីនោះរួមទាំងប្អូនប្រុសបង្កើតនាងដែលមាននិស្ស័យជាមួយឧករណ៍តន្ត្រីផងដែរ។
