ចិន៖ សណ្ឋាគារ កម្ពស់ ៥ជាន់ មួយកន្លែងនៅទីក្រុងគង័ហ្សូ( Quanzhou) នៃខេត្តហ្វូជៀន( Fujian) ភាគខាងកើតប្រទេសចិន បានដួលរលំបណ្តាលឲ្យមានមនុស្សប្រហែលជា៧០នាក់ ជាប់នៅក្រោមការគំនរអគារនោះកាលពីម៉ោង ៧ និង៣០នាទីយប់ថ្ងៃសៅរ៍ទី៧មីនានេះ ក្នុងសង្កាត់ លីចេង(Licheng) ។នេះយោងតាមសារព័ត៌មានផ្លូវការ Peole Daily បានឲ្យដឹង។
គិតត្រឹមម៉ោង៩ និង០០នាទីយប់ មនុស្សយ៉ាងតិច២៣នាក់ត្រូវបានជួយសង្គ្រោះ។គួរជម្រាបថា សណ្ឋាគារកម្ពស់ ៥ជាន់នេះ ត្រូវបានគេប្រើប្រាស់សម្រាប់ជាកន្លែងដាក់អ្នកជំងឺឆ្លងថ្មី Covid-19 ឲ្យនៅដាច់ដោយឡែកពីគេក្នុងខេត្ត Fujian ប្រទេសចិន៕
