ខេត្តព្រៃវែង ៖ នៅថ្ងៃទី១៩ខែសីហា ឆ្នាំ២០១៦នេះ គណៈបញ្ជាការឯកភាពស្រុកពាមរ ដឹកនាំដោយលោក យ៉ែម ភារ៉ា អភិបាលរងស្រុកពាមរ សហការជាមួយលោកអនុសេនីយ៍ឯក ផាន់ ចន្ទ័កោសី មេបញ្ជាការរងកងរាជអាវុធហ្ថតស្រុកពាមរ និងមានការចង្អុលបង្ហាញពីសំណាក់លោក ភុន សម្ផស្ស អភិបាលស្រុក និងជាប្រធានគណៈបញ្ជាការឯកភាពស្រុក បានចុះបង្ក្រាបបទល្មើសនេសាទ ត្រង់ចំណុចបឹងទួលផ្សោត ស្ថិតនៅក្នុងភូមិព្រែកចាម និងភូមិព្រែករាំង ឃុំបន្លិចប្រាទ ស្រុកពាមរ ។
ក្នុងនោះវត្ថុតាងដែលបង្ក្រាបបានរួមមាន លូស្បៃមុងចំនួន២៥ម៉ាត់ក្នុងមួយម៉ាត់ប្រវែង១០ម៉ែត្រ ហើយលូស្បៃមុង សរុបមាន២៥០ម៉ែត្រ បច្ចុប្បន្នសម្ភារៈបទល្មើស ដូចមានចែងក្នុងច្បាប់ស្ដីពីជលផល ហាមឃាត់មិនឱ្យប្រើទាំងនោះ សមត្តកិច្ច បានយកមកសាលាស្រុកដើម្បីកម្ទេចចោល រីឯជនល្មើសនេសាទទាំងអស់នោះរត់គេចខ្លួនបាត់ ៕