ភ្នំពេញ៖ លោក លឹមឃាងប្រធានក្រុមកសិកម្មតឹងយ៉ុងដែលបាលផ្ដល់ម៉ាស់ចំនួន១០ម៉ឺនជូនរដ្ឋបាលរាជធានីភ្នំពេញកាលពីរសៀលថ្ងៃទី៩ខែមីនាឆ្នាំ២០២០នៅសាលារាជធានីភ្នំពេញទុកសម្រាប់ចែកយកទៅប្រើប្រាស់សម្រាប់ការពារមេរោគឆ្លង នៅតំបន់ណាដែលសង្ស័យថាមានជំងឺឬមេរោគឆ្លង ដូចជាជំងឺផ្តាសាយជាដើម។
ជាមួយនិងការថ្លែងអំណរគុណលោក ឃួងស្រេងអភិបាលរាជធានីភ្នំពេញ មានប្រសាសន៍ឲ្យដឹងថា “ម៉ាសទាំងនេះរក្សាទុកសិនគឺពិនិត្យមើលទៅតាមលទ្ធភាពថាតើកន្លែងនោះមានរាលដាលមេរោគឬក៏អត់ ហើយម៉ាសនេះ គឺចែកឱ្យទៅតំបន់មានជំងឺសំរាប់ការពារខ្លួនពីជំងឺ”។
លោកឃួងស្រេងបានលើកឡើងថាម៉ាស’នេះក៏អាចជួយទៅដល់តំបន់ណាដែលមានការសង្ស័យមានជំងឺឆ្លងcovid19នៅខេត្តសៀមរាបជាដើមហើយនិងមានការពិគ្រោះយោបល់ជាមួយមន្ទីរសុខាភិបាលរាជធានីថា គួរចែកទៅផ្នែកណាខ្លះ។
លោកអភិបាលរាជធានីភ្នំពេញថ្លែងថា៖រដ្ឋបាលរាជធានីនិងមានវិធានការចំពោះអ្នកណាដែលផ្សាយព័ត៌មានមិនពិតតាមបណ្តាញព័ត៌មានសង្គមដែលធ្វើឱ្យមានចលាចលនៅរាជធានីភ្នំពេញនិងនៅទូទាំងប្រទេស។លោកឃួងស្រេងក៏បានអំពាវនាវដល់ប្រជាពលរដ្ឋចូលរួមប្រុងប្រយ័ត្ននឹងការពារទប់ស្កាត់ការពារជំងឺ និងសូមឱ្យប្រជាពលរដ្ឋជឿជាក់លើរាជរដ្ឋាភិបាលកម្ពុជា។
