(កំពង់ឆ្នាំង) ៖ ប្រជាពលរដ្ឋនៅភូមិទឹកហូតនិងភូមិត្រពាំងក្រពើបានសំដែងនូវក្ដីកង្វល់និងក្ដៅក្រហាយចំពោះក្រុមរថយន្តដឹកដីរបស់មេឈ្មួញឈ្មោះម៉ម ចន្ថាដែលជាឈ្មួញរកស៊ីដឹកដីលក់អោយសិប្បកម្មឡឥដ្ឋឈ្មោះជួងមាសដែលប្រើថ្នល់មិនស្រោចទឹកធ្វើអោយប៉ះពាល់ដល់សុខភាពប្រជាពលរដ្ឋនិងធ្វើអោយខូចផ្លូវលំសាធារណៈរបស់រដ្ឋទៀតផង។
ជាក់ស្តែងស្ពានមួយកន្លែងនៅខាងលិចវត្តទឹតហូតក៏ធ្លាប់បានបាក់ខូចខាតដោយសារតែក្រុមរថយន្តដឹកដីនេះផងដែរ ប៉ុន្តែដោយបានការយកចិត្តទុកដាក់របស់រាជរដ្ឋាភិបាលបានដំណើរការសាសង់ស្ពានទឹកហូតនេះឡើងវិញ ប៉ុន្តែយ៉ាងណាក៏ត្រូវបានប្រេះស្រាំជាបណ្ដើៗផងដែរបើចឹងនោះ ។ តើការបង្ករការខូចខាតផ្លូវនិងស្ពានដែលជាសម្បត្តិសាធារណៈរបស់រដ្ឋនេះអ្នកណាជាអ្នកទទួលខុសត្រូវ?។
បើយោងតាមសារាចរណែនាំលេខ០២របស់រាជរដ្ឋាភិបាលបានកំណត់យ៉ាងច្បាស់ថា ចំពោះដីខាងក្រោមផ្លូវជាតិលេខប្រាំជាដីដែលគ្រប់គ្រងដោយអាជ្ញាធរបឹងទន្លេសាប មិនអាចមានថ្នាក់ណាហ៊ានចេញប្លង់និងចេញច្បាប់ឈូសឆាយឬដឹកជញ្ជូនធ្វើអាជីវកម្មបានឡើយ ប៉ុន្តែការដែលមេឈ្មួញឈ្មោះម៉ម ចន្ថាដឹកដីទន្លេលក់អោយឡឥដ្ឋយ៉ាងអនាធិតេយ្យដាក់គ្រប់ឡឥដ្ឋទាំអស់ក្នុងខេត្តកំពង់ឆ្នាំងនេះត្រូវបានគេមើលឃើញថាមានមានការឃុបឃិតគ្នាជាលក្ខណៈប្រព័ន្ធរាប់តាំងពីមន្ទីរកសិកម្ម ខ័ណ្ឌរដ្ឋបាលជលផល មន្ទីរធនធានទឹក មន្ទីររ៉ែនិងថាមពល សុរិយោដីនិងអាជ្ញាធរមូលដ្ឋាននិងអាជាធរខេត្តផងដែរ។
ព័ត៌មាននេះជាសារមួយប្ដឹងជូនសម្ដេចអគ្គមហាសេនាបតីតេជោហ៊ុន សែនអោយបានដឹងនិងមេត្តាជួយអន្តរាគមន៍អោយសម្ដេចជួយមើលកូនចៅថ្នាក់ក្រោមដែលកំពុងអនុវត្តផ្ទុយនិងអភិក្រមរបស់សម្ដេចទាំង៥ចំណុចគឺ៖ងូតទឹក សិតសក់ ឆ្លុះកញ្ចក់ ព្យាបាលនិង វះកាត់ផងទាន។
បើតាមប្រជាពលរដ្ឋឈ្មួញនិងសមត្តកិច្ចពាក់ពន្ធ័យដូចជាមិនបានគិតពីផលប្រយោជន៍រួមអ្វីបន្តិចសោះឡើយ គឺពួកគេធ្វើអ្វីៗដើម្បីអោយតែបានលុយចូលហោប៉ៅរបស់គេតែប៉ុណ្ណោះ៕
