ខេត្តបន្ទាយមានជ័យ ៖ ក្រុមក្មេងទំនើង ៨ នាក់វាយទៅលើជនរងគ្រោះម្នាក់ ត្រូវបានកំលាំងអាវុធហត្ថក្រុងប៉ោយប៉ែត ធ្វើការឃាត់ខ្លួនបានម្នាក់ នៅវេលាម៉ោង១ យប់ថ្ងៃទី១៧ ខែសីហា ឆ្នាំ២០១៦ នៅចំណុចខាងជើងកាស៊ីណូផ្កាយប្រាំ ល្ថិតក្នុងភូមិក្បាលស្តាន សង្កាត់ប៉ោយប៉ែត ក្រុងប៉ោយប៉ែត ខេត្តន្ទាយមានជ័យ។
ហេតុការណ៍នេះត្រូវបានលោកវរសេនីយ៍ត្រី ជា ដា មេញ្ជាការមូលដ្ឋានកងរាជអាវុធហត្ថក្រុងប៉ោយប៉ែត ប្រាប់អ្នកយកពត៌មានយើងឱ្យដឹងថា ជនរងគ្រោះឈ្មោះឈឿត ឈឿយ ភេទប្រុស អាយុ៣៤ឆ្នាំ រស់នៅភូមិគោកចាស់ ឃុំសំបួន ស្រុកក្រឡាញ់ ខេត្តសៀមរាប បានមកអង្គុយលេង នៅវាលស្មៅខាងជើងកាស៊ីណូផ្កាយប្រាំ បានមួយសន្ទុះ ស្រាប់តែពេលនោះមានរថយន្តមួយមានក្មេងទំនើងចំនួន៨នាក់ ស្រាប់តែជិះមកដល់ចំណុចកើតហេតុនោះ ស្រាប់តែក្មេងទំនើងទាំង៨នាក់នោះចុះមកវាយទៅជនរងគ្រោះ ដោយមិនមានហេតុផលអ្វីសោះ បណ្តាលអោយជនរងគ្រោះរបួសបែកក្បាលយ៉ាងដំណំ។
ក្រោយពីធ្វីសកម្មភាពរួម ប្រជាពលរដ្ឋនៅទីនោះក៏បានរាយការណ៍មកអាវុធហត្ថក្រុងប៉ោយប៉ែត ឲ្យចុះមកជួយអន្តរាគម៍នផង។ ក្រោយពីបានទទួលព័ត៌មាន រួចហើយ លោកវរសេនីយ៍ត្រី ជា ដា បានដឹកនាំកំលាំងអាវុធហត្ថមួយក្រុមមកដល់កន្លែងកើតហេតុ ធ្វើការ ឃាត់ខ្លួនជនសង្ស័យ ចំនួន១នាក់ចំណែកជនសង្ស័យ៧នាក់ទៀត ជិះរថយន្តគេចខ្លួនបាត់អស់ រីឯជនសង្ស័យដែលឃាត់ខ្លួនបានម្នាក់ត្រូវបានបញ្ឋូនមកការដ្ឋានកងរាជអាវុធហត្ថខេត្ត ដើម្បីសួរនាំបន្ត៕
