ភ្នំពេញ៖ បើគេមិនទាន់ភ្លេចទេកាលពីថ្ងៃកាលពីថ្ងៃទី៩ ខែធ្នូ ឆ្នាំ២០១៩ លោកនុតពុធដារ៉ាត្រូវបានដកចេញពីអភិបាលខណ្ឌដង្កោដោយតម្លើងឲ្យថ្វើជាអភិបាលរង នៃគណៈអភិបាលខេត្តក្រចេះ។
នៅទីនោះមិនបានប៉ុន្មានផងសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានចេញអនុក្រឹត្យផ្ទេរភារកិច្ច លោក នុត ពុធដារ៉ាចេញ ពីអភិបាលរងខេត្តក្រចេះ មកជាអភិបាលរងខេត្តកណ្តាលវិញ ជំនួសកន្លែងលោក គង់ សោភ័ណ្ឌ ដែលត្រូវបានតែតាំងជាអភិបាលខេត្តកណ្តាលជំនួសលោកម៉ៅភិរុណដែលនឹងក្លាយជាប្រធានក្រុមប្រឹក្សាខេត្តកណ្តាលវិញ។
សូមបញ្ជាក់ថា កាលពីថ្ងៃទី១៧ ខែកុម្ភ ឆ្នាំ២០២០ លោក គង់ សោភ័ណ្ឌ អភិបាលរងខេត្តកណ្តាល ត្រូវបានព្រះមហាក្សត្រ ចេញព្រះរាជក្រឹត្យតែងតាំង ជាអភិបាលខេត្តកណ្តាលជំនួសលោកម៉ៅភិរុណ។ នៅឆ្នាំ១៩៩៩លោកគង់សោភ័ណ្ឌជាអភិបាលរងស្រុកខ្សាច់កណ្តាលខេត្តកណ្តាល។នៅឆ្នាំ២០០៩លោកជាអភិបាលស្រុកខ្សាច់កណ្តាល។នៅឆ្នាំ២០១៧លោកជាអភិបាលស្រុកល្វាឯម,នៅដើមខែតុលាឆ្នាំ២០១៧លោកត្រូវបានតែងតាំងជាអភិបាលរងខេត្តកណ្តាល,នៅថ្ងៃទី១៧ខែកុម្ភៈឆ្នាំ២០២០លោកត្រូវបានតែងតាំងជាអភិបាលខេត្តកណ្តាល។។
អនុក្រឹត្យ ចុះថ្ងៃទី១ ខែមីនា ឆ្នាំ២០២០វិញ សម្តេចតេជោ ហ៊ុន សែន បានបញ្ជាក់ថា «ផ្ទេរភារកិច្ចលោក នុត ពុធដារ៉ា ឋនន្តរស័ក្តិឧត្តមមន្ត្រីថ្នាក់លេខ២ ពីអភិបាលរង នៃគណៈអភិបាលខេត្តក្រចេះ ឲ្យមកកាន់មុខតំណែងជា អភិបាលរង នៃគណៈអភិបាលរងខេត្តកណ្តាល»។
សូមបញ្ជាក់ថាលោក នុត ពុធដារ៉ា ចូលបម្រើការងារតាំងពីឆ្នាំ១៩៩២ ជាមន្ត្រីនគរបាលជាតិ។ បន្ទាប់មកជាមន្ត្រីនៃទីស្តីការគណៈរដ្ឋមន្ត្រី
។បន្តជាមន្ត្រីក្រសួងរៀបចំដែនដី នគរូបនីយកម្ម និងសំណង់ និងបានកាន់តំណែងជាបន្តបន្ទាប់ ជាអនុប្រធានការិយាល័យ ប្រធានការិយាល័យ អនុប្រធាននាយកដ្ឋាន និងជាអគ្គនាយករងរដ្ឋបាលក្រសួងរៀបចំដែនដី នគរូបនីយកម្ម និងសំណង់។
នៅឆ្នាំ២០០៥ លោកនុតពុធដារ៉ាបានចោលតួនាទីជាអគ្គនាយករងរដ្ឋបាលក្រសួងរៀបចំដែនដី នគរូបនីយកម្ម និងសំណង់ដោយផ្ទេរមកបំរើការងារជាអភិបាលរងខណ្ឌឬស្សីកែវ ។នៅឆ្នាំ២០១២ លោកត្រូវបានតែងតាំងឲ្យកាន់តំណែងចំនួនពីរអណត្តិជាអភិបាលខណ្ឌដង្កោ រាជធានីភ្នំពេញ។
ក្រោយចប់អាណត្តិអភិបាលខណ្ឌ ហើយបច្ចុប្បន្នត្រូវបានផ្ទេរភារកិច្ច ជាអភិបាលរង នៃគណៈអភិបាលខេត្តកណ្តាល ហើយបច្ចុប្បន្ន លោកក៏ជាជំនួយការសម្តេចតេជោ នាយករដ្ឋមន្ត្រីផងដែរ ៕
