ខេត្តព្រះសីហនុ៖ បុរសជនជាតិចិនម្នាក់ដេកស្លាប់នៅជិតរង្វង់មូលមច្ឆាក្នុងបុរីគុជអាស៊ីនៅវេលាម៉ោង ១០នឹង០០នាទីព្រឹក ថ្ងៃទី២៨ ខែកុម្ភៈ ឆ្នាំ២០២០ ស្ថិតក្នុងភូមិ ១ សង្កាត់លេខ ៣ ក្រុងនិងខេត្តព្រះសីហនុ។
តាមរយៈឯកសារផ្ទាល់ខ្លួនឈ្មោះជនជាតិចិនដែលស្លាប់ឈ្មោះ 牛双锁 (Niu Shuangsuo)កើតនៅថ្ងែទី២ខែ១០ឆ្នាំ១៩៦៩(៥០ឆ្នាំ) មានទីកន្លែងកំណើត អាស័យដ្ឋានៈលេខ ១៥ ភូមិដាណានភូមិហាន់សានក្រុងភីងណានស្រុកគីនចូវក្រុងធានជីហៃខេត្តកានស៊ូ។
ប្រភពព័ត៌មានពីសន្តិសុខនៅក្នុងបុរីគុជអាស៉ីបានអោយដឹងថាមុនពេលកើតហេតុដោយគាត់បានធ្វើដំណើរទៅទិញម្ហូបក៏ស្រាប់តែភ្លាមនោះក៏មានក្មេងៗមួយក្រុមរត់មកប្រាប់គាត់ថាឃើញបុរសជនជាតិចិនម្នាក់ដេកនៅជិតរង្វង់មូលមច្ឆាបន្ទាប់មកសន្តិសុខខាងលើនោះបានទៅមើល តែជនជាតិចិននោះដេកស្លាប់បាត់ទៅហើយ។គាត់បានទាក់ទងផ្ដល់ព័ត៌មានប្រាប់ទៅសមត្ថកិច្ចអោយជួយអន្តរាគមន៍តែម្ដង គួបញ្ចាក់ផងដែរថាចំពោះជំវិញការស្លាប់របស់ជនជាតិនេះគឺមិនទាន់ដឹងពីមូលហេតុនៅឡើយនេះគឺជាលើកទី២បន្ទាប់ពីជនជាតិចិនម្នាក់អាយុ៥៤ឆ្នាំដែរបានដួលស្លាប់ក្នុងព្រលានយន្តហោះកងកេងខេត្តព្រះសីហនុកាលពីថ្ងៃទី២២កុម្ភៈពេលរងចាំជើងយន្តហោះខចេញទៅខេត្តសៀមរាប ។
ករណីយ៍ចិនទាំងពីរនាក់នេះបើតាមបណ្តាញឃោសនានានាដាក់ការសង្សយ័ថាស្លាប់ដោយសារមេរោគកូវីត១៩?តែអ្នកនាំពាក្យក្រសួងសុខាភិបាលប្រកាសថាដោយសារមូលហេតុគាំងបេះដូងព្រោះសពប្រវត្តមានជម្ងឺលើសឈាម!។លោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល នៅរសៀលថ្ងៃទី២៨ ខែកុម្ភៈ ឆ្នាំ២០២០នេះ បានចេញមកបដិសេធចោលទាំងស្រុង នូវព័ត៌មានបំពុលមួយចំនួនដែលបង្ហោះ និងលើកឡើងថា មានបុរសជនជាតិចិនម្នាក់ ដេកស្លាប់នៅខេត្តព្រះសីហនុ គឺករណីជំងឺ COVID-19។លោកស្រី វណ្ឌឌីន បានប្រាប់ថា «ករណីបុរសចិនដេកស្លាប់នេះ មិនមែនជាជំងឺកូវីដ១៩ (COVID-19) ទេ។ សូមសាធារណជន កុំយល់ច្រឡំ»
សូមបញ្ជាក់ថាករណីមេរោគកូរ៉ូណាវីរុសថ្មីបានធ្លាក់ចុះនៅទីកន្លែងផ្ទុះមេរោគនោះនៅក្នុងប្រទេសចិន ក៏ប៉ុន្តែបានកើនឡើងនៅក្នុងប្រទេសកូរ៉េខាងត្បូង ដែលជាប្រទេសរងផលប៉ះពាល់ខ្លាំងបំផុតនៅខាងក្រៅប្រទេសចិន។គណៈកម្មការសុខាភិបាលជាតិចិនបានរាយការណ៍ពីករណីថ្មីចំនួន៣២៧និងមនុស្សស្លាប់៤៤នាក់នៅព្រឹកថ្ងៃសុក្រនេះ ដែលជាចំនួនទាបបំផុតនៃករណីថ្មីនៅក្នុងរយៈពេលជាងមួយខែនេះ។
ក៏ប៉ុន្តែ ចំនួនករណីឆ្លងនៅក្នុងប្រទេសកូរ៉េខាងត្បូង មានលើសពី២ពាន់ករណីដោយមានករណីថ្មីចំនួន២៥៦ ហើយចំនួនមនុស្សស្លាប់១៣នាក់។ ករណីភាគច្រើនកើតឡើងនៅក្នុងទីក្រុងថេហ្គូ ដែលជាទីក្រុងធំទី៤របស់កូរ៉េខាងត្បូង។មេរោគនេះបានរាត្បាតឆ្លងចូលដល់ប្រទេសជាង៤០ហើយនៅលើពិភពលោកពីសេសប្រទេសថៃនិងវៀតណាមក្បែរកម្ពុជាតែម្តង។
