ខេត្តបន្ទាយមានជ័យ ៖ លោកវរសេនីយ៍ត្រី ជា ដា មេបញ្ជាការកងរាជអាវុធហត្ថ ក្រុងប៉ោយប៉ែត បាននាំយកអំណោយចែកជូនដល់ប្រជាពលរដ្ឋជួបការលំបាកចំនួន០២គ្រួសារ។
នៅថ្ងៃទី១៥ ខែសីហា ឆ្នាំ២០១៦ វេលាម៉ោង១០និង៣០នាទី លោកវរសេនីយ៍ត្រី ជា ដា មេបញ្ជាការកងរាជអាវុធហត្ថ ក្រុងប៉ោយប៉ែត និងសហការី ព្រមទាំងអាជ្ញាធរមូលដ្ឋាន និងអាជីវករ ក្រុមសារព៌តមាន បាននាំយកអំណោយចែកជូនដល់ដៃ ប្រជាពលរដ្ឋជួបការលំបាកចំនួន០២គ្រួសារ ក្នុងនោះគ្រួសាររបស់ឈ្មោះ ឌី សុខុម ភេទប្រុស អាយុ៣៩ឆ្នាំ ប្រពន្ឋឈ្នោះ នុត ផារើយ អាយុ៣៨ឆ្នាំ បានសម្រាលកូននៅលើផ្លូវបេតុងខាងត្បូងសាលា សង្កាត់ផ្សារកណ្តាល ប្រមាណ200ម៉ែត្រ ទទួលបានអង្ករ២ការុង=១០០គីទ្បូក្រាម មី០១កេសតូច ទឹកត្រី០១យួរ ទឹកស៊ីអ៊ីវ ០១ យួរ ត្រីខ១២កំប៉ុង ខ្ទឹមស០១គីទ្បូក្រាម ស្កស០២គីទ្បូក្រាម ទឹកដោះគោខាប់០៣កំប៉ុង សាច់មាន់០៤គីទ្បូក្រាម និងថវិកាចំនួន ១.៨៧០.០០០៛ (មួយលានប៉ែតសិបប្រាំពីរម៉ឺនរៀល)។ រីឯគ្រួសារទី២ ឈ្មោះ គួន កេត ភេទប្រុស អាយុ៤៩ឆ្នាំ មានជំងឺរាំរ៉ៃប្រចាំកាយ រស់នៅជាមួយកូនប្រុសតូច មានឈ្មោះ កេត កុយ ភេទប្រុស អាយុ៨ឆ្នាំ ទទួលបាន អង្ករ1ការុង=50គីទ្បូក្រាម.និងថវិកាចំនួន95000 ៛(កៅសិបប្រាំម៉ឺនរៀល) ។
ទាំង២គ្រួសារ នេះរស់នៅភូមិផ្សារកណ្តាល សង្កាត់ផ្សារណ្តាល ក្រុងប៉ោយប៉ែត ខេត្តបន្ទាយមានជ័យ សកម្មភាពបែបនេះបានបង្ហាញឃើញពីគំរូដ៏ល្អដល់ប្រជាពលរដ្ឋខ្មែរទាំងអស់ ឱ្យចេះជួយចែករំលែកគ្នាក្នុងគ្រាអាសន្នទីទាល់ក្រ ដែលគួរឱ្យគោរព និងយកតម្រាប់តាម៕
