ប្រទេសបង់ក្លាដែស ៖ វិថីឈ្មោះ«Park Road» ដែលស្ថិតនៅតំបន់ការទូត Baridhara ក្នុងក្រុងដាក្កា ប្រទេសបង់ក្លាដែស ត្រូវបានប្តូរទៅជាវិថីមហាក្សត្រនរោត្តមសីហនុ «King Norodom Sihanouk Road» ហើយត្រូវបានសម្ពោធជាផ្លូវការកាលពីថ្ងៃទី២៦ ខែកុម្ភៈ ឆ្នាំ២០២០។
លោកអឹមឌីតាជុលអ៊ីស្លាម( Md Tajul Islam) រដ្ឋមន្ត្រីទទួលបន្ទុករដ្ឋាភិបាលក្នុងតំបន់ អភិវឌ្ឍជនបទ និងសហប្រតិបត្តិការ បានថ្លែងក្នុងពិធីសម្ពោធនេះថា៖ បង់ក្លាដែស និងកម្ពុជា គឺមិត្តដ៏ល្អ ហើយការសម្រេចចិត្តប្តូរឈ្មោះផ្លូវនេះ គឺធ្វើឡើងផ្អែកតាមការសន្យារបស់លោក Sheikh Hasina។
សូមជម្រាបថា នៅកម្ពុជាបានកំណត់ផ្លូវមួយខ្សែក្នុងរាជធានីភ្នំពេញ គឺផ្លូវលេខ ៣៣៧ ដែលបានដាក់ឈ្មោះបិតាជាតិរបស់បង់ក្លាដែសគឺ «Bangabandhu SHEIKH MUJIBUR Rahman Road» ក៏គ្រោងនឹងសម្ពោធនៅក្នុងអំឡុងខែមេសាខាងមុខនេះផងដែរ។ការសម្រេចដាក់ឈ្មោះផ្លូវខាងលើនេះ គឺធ្វើឡើងក្នុងអំឡុងទស្សនកិច្ចលោកនាយករដ្ឋមន្ត្រីបង់ក្លាដែស Sheikh Hasina នៅកម្ពុជា កាលពីឆ្នាំ២០១១។ប្រភព៖ Dhakatribune
