(កំពង់ធំ)៖ មានមន្ត្រីរាជការនៅក្នុងការិយាល័យ ផលិតកម្ម និងបសុព្យាបាលខេត្តកំពង់ធំមិនទទួលលោក តាន់ ម៉េងឆាង ធ្វើជាប្រធានការិយាល័យទេដោយហេតុថាមន្ត្រីរូបនេះធ្លាប់បានបង្កជម្លោះ ជាមួយថ្នាក់ដឹកនាំនៃការិយាល័យនិងញុះញង់ឲ្យមន្ត្រីទាំងអស់ ឈ្លោះគ្នាព្រមទាំងបង្កជម្លោះជាមួយអាជីវករដឹកជញ្ជូនផលអនុផលពីសត្វនិងអាជីវករពិឃាតសត្វថែមទៀតផង។
នេះបើយោងតាមការបង្ហោះនៅក្នុងគណនីហ្វេសប៊ុកលោក ពេជ្រ ស្រស់ បានបង្ហោះថា៖ការបែកធ្លាយពីមន្ត្រីរាជការនៅក្នុងការិយាល័យ ផលិតកម្ម និងបសុព្យាបាលខេត្តកំពង់ធំមិនទទួលលោក តាន់ ម៉េងឆាងធ្វើជាប្រធានការិយាល័យនោះទេ ហើយពួកគេនឹងមិនចូលធ្វើការនោះឡើយ បើមិនដកលោកតាន់ ម៉េងឆាង ចេញទេនោះ ។
មន្ត្រីរាជការដែលមិនពេញចិត្តនិយាយថាគេ នឹងមិនសហការជាមួយលោក តាន់ ម៉េងឆាង និងពហិការមិនចូលធ្វើការឡើយ និងថែមទាំងមិនសហការជាមួយមន្ត្រីតាមបណ្តាស្រុកថែមទៀតផង។មន្ត្រីភាគច្រើននៅក្នុងអង្គភាពសង្ឃឹងថាឯកឧត្តមសុខ លូអភិបាលខេត្តកពង់ធំច្បាស់ជាជួយសម្រួលការងារនេះជូនពួកគាត់ជាក់ជាមិនខានឡើយ៕
