ខេត្តព្រះសីហនុ ៖ ហេតុការណ៍ដ៏ភ្ញាក់ផ្អើលនេះបានកើតឡើងកាលពីវេលាម៉ោង១០យប់ ថ្ងៃទី១៨ ខែសីហា ឆ្នាំ២០១៦ មានអាគារកំពស់5ជាន់មួយកន្លែងនៅបុរីBSអូរ1 បានប្រេះផ្ទុះ ដែលធ្វើអោយប្រជាពលរដ្ឋនៅទីនោះសម្តែងការព្រួយបារម្ភ ភ័យខ្លាចស្រុតរលំបណ្ដាលឱ្យមានគ្រោះថ្នាក់ដល់អ្នកធ្វើដំណើរឆ្លងកាត់ និងអ្នករស់នៅក្បែរនោះ។
ជុំវិញបញ្ហាអាគារប្រេះស្រុតនេះ បេីយោងតាមការបញ្ជាក់ពីម្ចាស់បូរី BS អូរ១ ដែលថ្លែងប្រាប់ក្រុមអ្នករាយការណ៍ពត៌មានយើងថា សំណង់មានបញ្ហានេះមិនជាប់ពាក់ព័ន្ធ និងក្រុមហ៊ុនឡើយ ព្រោះក្រុមហ៊ុនលក់តែដីអោយទេ ដោយឡែកសំណង់អាគារមានបញ្ហាបច្ចេកទេសជាការទទួលខុសត្រូវរបស់ម្ចាស់ដែលទិញដីរបស់ក្រុមហ៊ុន ហើយថា រាល់សំណង់ផ្ទះល្វែង ដែលជាគំរោងរបស់ក្រុមហ៊ុនមានសញ្ញាឆ្នូតពណ៌ក្រហមជាសំគាល់ ។
ទោះជាយ៉ាងនេះក្តី ភ្លាមៗនៅពុំទាន់ឃើញមានការអះអាងបញ្ជាក់ហេតុផលពីមន្ត្រីជំនាញផ្នែកណាមួយនៅឡើយទេ ដែលទំនងជាមន្ត្រីរង់ចាំការស៊ើបអង្កេតផ្លូវការជាមុនសិន ៕
