ភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនាព្រឹកថ្ងៃ ទី១៨ ខែកុម្ភៈ ឆ្នាំ២០២០បានប្រកាសថា នឹងកាត់បន្ថយការនាំបន្លែ សាច់ ពីប្រទេសខាងក្រៅ ដោយការបង្កើនដាំដុះ និងចិញ្ចឹមក្នុងស្រុក ដោយមិនតម្រូវឲ្យប្រើគីមីច្រើន.។
នៅក្នុងឱកាសអញ្ជើញប្រគល់សញ្ញាបត្រដល់គរុសិស្ស គរុនិស្សិតបញ្ចប់ការសិក្សាឆ្នាំ២០១៨–២០១៩ ចំនួន១,៩៧៧នាក់ នៅវិទ្យាស្ថានជាតិអប់រំ រាជធានីភ្នំពេញ សម្តេចតេជោ ហ៊ុន សែន បានបញ្ជាក់ថា ចាប់ពីពេលនេះតទៅ នឹងត្រូវ បំផុសឲ្យប្រជាពលរដ្ឋខ្មែរយើងធ្វើការដាំដុះដោយមិនឲ្យប្រើសារធាតុគីមី ហើយត្រូវកាត់បន្ថយ ការនាំចូលពីប្រទេសខាងក្រៅដែលបានប្រើប្រាស់គីមីច្រើននោះ។
សូមបញ្ជាក់ថា នាពេលបច្ចុប្បន្ននេះ ប្រទេសកម្ពុជា បាននាំបន្លែ ប្រមាណ៤០០តោន ក្នុងមួយថ្ងៃៗពីប្រទេសវៀតណាម និងប្រទេសថៃ ដោយចំណាយថវិកាប្រមាណជាងពីររយលានដុល្លារអាមេរិក ខណៈ មន្ត្រីអះអាងថា ការដាំដុះនៅកម្ពុជា នៅមានកម្រិត និងខ្វះបច្ចេកទេស ជាំដើមនោះ។មានការកត់សម្គាល់ថាការប្រកាសពីការបើកយុទ្ធនាការជម្រុញប្រជាពលរដ្ឋដាំបន្លែនេះត្រូវបានគេមើលឃើញថាវាចំពេលដែលប្រទេសជាតិកំពុងត្រៀមនិងការជួបវិបត្តិសេដ្ឋកិច្ចដោយសារជម្ងឺកូរ៉ូណានិងសហគមន៍អឺរ៉ុបតម្រូវឲ្យកម្ពុជាបង់ពន្ធលើទំនិញនាំចូលក្នុងតម្លៃ១ពាន់លានដុល្លារអាមេរិកដែលនឹងមានប្រសិទ្ធីភាពនៅក្នុងខែសីហាខាងមុខនេះ។
សូមបញ្ជាក់ថាថ្មីៗនេះលោក ឧកញ៉ា ឡេង ណាវ៉ាត្រា ដើម្បីបើកផ្សារ ទំនើប កសិផល កសិកម្ម ទិញតែពីកសិករខ្មែរ មានទីតាំងកណ្ដាលនៅ Olympia ហើយត្រៀមពង្រីក 250 សាខា ក្នុងទី ក្រុងភ្នំពេញនោះទទួលបានការចាប់អារម្មណ៍ខ្លាំងពីមហាជន។ គម្រោងដ៏សម្បើមមួយនេះត្រូវបានគេដឹងថានឹងផ្តល់ការងារដោយផ្ទាល់ជូនដល់កសិករជាច្រើន ខណៈដែលបុគ្គលិកលក់ប្រមាណ៤០០ នាក់ ដោយគម្រោងនេះដែនឹងផ្តល់ឲ្យអ្នក សម្ភាសន៍ជាប់នូវម៉ូតូ Honda Dream 2020 ម្នាក់មួយគ្រឿង ។
អតីតកម្មករនៅស្រុកកូរ៉េដែលមានវាសនាឡើងជាឧកញ៉ា បាន ឲ្យ ដឹង ថា លោក កំពុង តែ សម្រុក ធ្វើ រោងចក្រ ផលិត ជីធម្មជាតិ ១ កន្លែង ទៀត ដើម្បី សម្រួល ដល់ កសិករ ខ្មែរ លើ ការ ដាំដុះ កុំ ឲ្យ ពលរដ្ឋ ពិបាក ទិញ ជី ពី ក្រៅ ប្រទេស។
គួរបញ្ជាក់ដែរថា គម្រោងបង្កើតរោង ចក្រ ផលិត ជីធម្មជាតិរបស់លោកឧកញ៉ាឡេងណាវ៉ាត្រា សម្រេច ធ្វើ បាន ប្រហែល ៩៥ភាគរយ ហើយ អាច នឹង ដំណើរ ការ ក្នុង ពេល ឆាប់ៗ នេះ។ រោង ចក្រ នេះ មាន ទីតាំង លើ គម្រោង អភិវឌ្ឍន៍ ធំ មួយ លើ ទឹក ដី ខេត្ត បន្ទាយ មាន ជ័យ ដោយ កម្លាំង នៃ ការ ផលិត ក្នុង១ ឆ្នាំ ផលិត បាន ប្រហែល ៣០០០ តោន ទៅ ៣៦០០តោន។
សម្រាប់ការលក់ជីធម្មជាតិជូនប្រជាពលរដ្ឋវិញលោកឧកញ៉ាបានប្រាប់ថាលក់ក្នុងតម្លៃធូរថ្លៃបំផុត ហើយ កសិករ មិន ចាំ បាច់ប្រើ ប្រាក់ មក ទិញ ឡើយ គឺ ចាំ ដោះដូរ ជា មួយ បន្លែផ្លែឈើដែលពួកគាត់ ដាំ នោះ ដោយ ក្រុមហ៊ុន នឹង ចុះ ទៅ ទិញដល់ចម្ការដើម្បីមកលក់នៅ តាមផ្សារជាង២៥០ សាខាដែលគ្រោងដំណើរការនោះ ៕