ខេត្តព្រះវិហារ ៖ ថវិកាសរុបប្រមាណជិត៣០លានរៀលបាននាំយកប្រគល់ជូនដល់ដៃគ្រួសារសពលោកព្រិន្ទបាលឯកជិនហ៊ាត់ដែលពលីដោយសារជាន់គ្រាប់មីនសល់ពីសម័យសង្គ្រាមពេលកំពុងបំពេញភារកិច្ចចេញល្បាតនៅតាមចំណុចភូមិសាស្ត្របណ្តោយព្រំដែនកម្ពុជា-ថៃទិសទី១ប្រាសាទព្រះវិហារកាលពីវេលាម៉ោង១២.១០នាទីថ្ងៃទី១៤ខែកុម្ភះឆ្នាំ២០២០ក្នុងភូមិសាស្ត្រភ្នំ៣៩៨ខាងត្បូងអន្លង់រាំងជើងភ្នំ៥០០ ស្ថិតក្នុងភូមិធម្មជាតិ ឃុំស្រអែម ស្រុកជាំក្សាន្ត ខេត្តព្រះវិហារ។
លោកឧត្តមសេនីយ៍ទោសំសៀមេបញ្ជាការរងតំណាងលោកឧត្តមសេនីយ៍ឯកស្រីឌឹកមេបញ្ជាការរងកងទ័ពជើងគោក,លោកឧត្តមសេនីយ៍ទោលីស៊ុនមេបញ្ជាការកងពលតូចអន្តរាគមន៍លេខ៨។អមដំណើរដោយលោកមេបញ្ជាការរងមេបញ្ជាការវរសេនាតូចនិងនាយនាយរងនៃបណ្ដាការិយាល័យជំនាញពាក់ព័ន្ធបានទៅប្រគល់ជូននៅទីតាំងបុណ្យសពនៅក្នុងភូមិចំបក់សែនជ័យឃុំស្រអែមស្រុកជាំក្សាន្តខេត្តព្រះវិហារកាលពីព្រឹកថ្ងៃច័ន្ទទី១៧ខែកុម្ភៈឆ្នាំ២០២០។
បើតាមលោកឧត្តមសេនីយ៍ទោលីស៊ុន ថវិកាទាំងនេះបានពីលោកនាយឧត្តមសេនីយ៍វង្សពិសេនអគ្គមេបញ្ជាការនៃកងយោធពលខេមរភូមិន្ទចំនួន១០លានរៀល,ថវិកាលោកនាយឧត្តមសេនីយ៍គីមប៊ុនថានអគ្គមេបញ្ជាការរងនៃកងយោធពលខេមរភូមិន្ទចំនួន៥០ម៉ឺនរៀល,ថវិកាលោកឧត្តមសេនីយ៍ឯកហ៊ុនម៉ាណែតមេបញ្ជាការកងទ័ពជើងគោកចំនួន៥លានរៀល,ថវិកាលោកហូសិទ្ធីទេសរដ្ឋមន្ដ្រីនាយកខុទ្ទកាល័យសម្តេចអគ្គមហាសេនាបតីតេជោហ៊ុនសែន ចំនួន១លានរៀលអង្ករចំនួន១០០គីឡូក្រាម។
ថវិកាលោកប្រាក់សុវណ្ណអភិបាលខេត្តព្រះវិហារចំនួន២លានរៀល,ថវិកាលោកឧត្តមសេនីយ៍ឯកស្រីឌឹកមេបញ្ជាការរងកងទ័ពជើងគោកចំនួន២លានរៀល,ថវិកាលោកឧត្តមសេនីយ៍ទោលីស៊ុនមេបញ្ជាការកងពលតូចអន្តរាគមន៍លេខ៨ចំនួន៤លានរៀល,ថវិកាលោកផាន់និមិត្តចំនួន៤០ម៉ឺនរៀលអង្ករចំនួន១០០គីឡូក្រាម។
ថវិកាថ្នាក់ដឹកនាំនៃអាជ្ញាធរមីនចំនួន១លានរៀល,ព្រមទាំងថវិការបស់មេបញ្ជាការតាមបណ្តាវរសេនាតូចទាំង៥ចំណុះកងពលតូចអន្តរាគមន៍លេខ៨ចំនួន១លាន៦០ម៉ឺនរៀល,ថវិកាសាខាកាកបាទក្រហមកម្ពុជាខេត្តនិងអាជ្ញាធរមូលដ្ឋានសរុបចំនួន២៧.៩០០.០០០រៀល។គេមិនដឹងថាតើហេតុអីបានជាអគ្គបញ្ជាការឬក្រសួងការពាជាតិមិនមានថវិការសម្រាប់ជួយឧបត្ថម្ភករណីយ៍ពីសេសៗបែរជាចាំតែថវិកាសម្បុរសជនចឹងទៅវិញ?។ចុះបើថ្ងៃក្រោយគ្មានសប្បុរសជនជួយគិតម៉េចវិញទៅ?
សូមបញ្ជាក់ថា៖ លោកព្រិន្ទបាលឯក ជិន ហ៊ាត់មានអត្តលេខ២០៣១៧៧ជានាយក្រុមទី២កងអនុសេនាធំទី៣ វរសេនាតូចលេខ៣៨៥កងពលតូចអន្តរាគមន៍លេខ៨ ៕
