ភ្នំពេញ ៖ ពិភពកម្សាន្ត ដាហ្វូហាវ ដែលស្ថិតនៅទល់មុខសាលាសង្កាត់ និងប៉ុស្តិ៍នគរបាលរដ្ឋបាលចាក់អង្រែក្រោមជាទីតាំងល្បែងហ្គេមជាច្រើនប្រភេទ តាមប្រព័ន្ធ Online អេឡិចត្រូនិច Slot Machines និង ប្រភេទហ្គេមបាញ់ត្រីបាននិង កំពុងបើកលេងយ៉ាងរលូន ដោយបំពានគោលនយោបាយរបស់រាជរដ្ឋាភិបាល ភូមិ ឃុំ មានសុវត្ថិភាព ។
នៅថ្ងៃទី១៤កុម្ភៈគេសង្កេតឃើញក្មេងៗសិស្សសាលាអាយុក្រោម១០ឆ្នាំ ឬ អាយុ១៥ឆ្នាំ ប៉ុណ្ណោះ បាននាំគ្នាតម្រង់ជួរចាំចូលលេងហ្គេមគ្រប់ប្រភេទនៅ ពិភពកម្សាន្ត ដាហ្វូហាវ ស្ថិតនៅផ្លូវជាតិលេខ២ មុខសាលាសង្កាត់ចាក់អង្រែក្រោម ខណ្ឌមានជ័យ ។ក្លឹបកម្សាន្តយីហោ ដាហ្វូហាវ កន្លងទៅ កាលពីថ្ងៃទី១៣ ខែមករា ឆ្នាំ២០២០ធ្លាប់ ត្រូវបានកម្លាំងសមត្ថកិច្ចអាជ្ញាធរខណ្ឌមានជ័យ បង្ក្រាបរួចម្តងមកហើយ ដោយដកហូតទូហ្គេមមួយចំនួនផងដែរ ។ ប៉ុន្តែមិនដឹងហេតុអ្វីបានជាបើកដំណើរការវិញ ដោយលេងយ៉ាងគគ្រឹកគគ្រេងធ្វើឲ្យយុវជនដែលជាទំពាងស្នងឬស្សី ចូលលេងរហូតភ្លេចការសិក្សារទៀតផង ។
ការពិតទទួលស្គាល់ថាពិភពកម្សាន្ត ដាហ្វូហាវ មាន អាជ្ញាប័ណ្ណស្របច្បាប់ បើកលេងក្នុងបរិវេណ WB Arena ទល់មុខសង្កាត់ចាក់អង្រែក្រោម មានល្បែងហ្គេមជាច្រើនប្រភេទ តាមប្រព័ន្ធ Online អេឡិចត្រូនិច Slot Machines និង ប្រភេទហ្គេមបាញ់ត្រី ជាច្រើនគ្រឿងទៀត ។ប៉ុន្តែអ្វីដែលពលរដ្ឋហួសចិត្តនោះ គឺត្រង់ថាក្មេងៗសិស្សសាលាជាច្រើននាក់ បានចូលលេងកម្សាន្តយ៉ាងសប្បាយរីករាយរហូតភ្លេចការសិក្សារ ហើយគ្មានការទប់ស្កាត់ពីសំណាក់អាជ្ញាធរនោះឡើយ ។ ទីតាំងនេះមានម្ចាស់ជាជនបរទេស និង មានមេការជាជនជាតិខ្មែរ ។