ព្រះសីហនុ ៖ បន្ទាប់ពីរកកន្លែងចូលចតមិនបានដោយសារប្រទេសមួយចំនួនបដិសេធមិនឲ្យចូលចតដោយសារខ្លាចមានអ្នកដំណើរមានផ្ទុកមេរោគ កូ រ៉ូ ណា នាវា ទេសចរណ៍ ឈ្មោះ MS Westerdam កំពុងធ្វើដំណើរសំដៅមកចតកុះពង់ផែក្រុងព្រះសីហនុ ប្រទេសកម្ពុជាហើយ ។
នាវាទេសចណ៍ដ៏ធំមួយនេះដែលអះអាងថាគ្មានអ្នកផ្ទុកមេរោគកូរ៉ូណានោះមានផ្ទុកមនុស្សប្រមាណ ១៤៥០នាក់ និងក្រុមនាវិក ៨០០នាក់នេះ គឺនឹងមកដល់កំពុងផែខេត្តព្រះសីហនុ នៅវេលាម៉ោង ០៧:០០នាទីព្រឹក ត្រូវនឹងថ្ងៃព្រហស្បតិ៍ ទី១៣ ខែកុម្ភៈ ឆ្នាំ២០២០។ ក្រោយពីការចតរួច ភ្ញៀវទេសចរណ៍ក្នុងនាវានេះ អាចនឹងផ្ទេរការធ្វើដំណើរតាមយន្តហោះនៅកម្ពុជាទៅកាន់ប្រទេសដើមគេវិញ។
ភ្ញៀវទេសចរណ៍ចម្រុះជាតិសាសន៍ទាំងអស់ដែលមានទេសចរណ៍ជនជាតិអាមេរិកចំនួន៦៥០នាក់ផងដែរ បានថ្លែងអំណរគុណយ៉ាងជ្រាលជ្រៅចំពោះអជ្ញាធរកម្ពុជា ដែលបានផ្ដល់ការគាំទ្រចំពោះពួកគេ ក្នុងការចូលចតនៅកម្ពុជា ខណៈដែលពួកគេដែលស្នាក់នៅលើនាវា១២ថ្ងៃមកហើយនោះកំពុងតែខ្វះស្បៀងអាហារ និងត្រូវការចាក់ប្រេងផងដែរនោះ ។
សូមបញ្ជាក់ថា នាវាទេសចរណ៍ The Westerdam cruise ship បានចាកចេញពីហុងកុងនៅថ្ងៃទី១ ខែកុម្ភៈ ឆ្នាំ២០២០ តែប្រទេសជប៉ុន, កោះតៃវ៉ាន់, Guam, ប្រទេសហ្វីលីន និងថៃ មិនអនុញ្ញាតឱ្យចូលចតព្រោះខ្លាចមាន Corona Virus ។ខ្មែរចឹង!គេមិនហ៊ានយើងធើ!។
ទាក់ទងនិងការសម្រេចឲ្យនាវាទេសចរណ៍យក្សឈ្មោះ MS Westerdam ចូលចតផែព្រះសីហនុនេះសម្តេចតេជោ ហ៊ុន សែន បានមានប្រសាសន៍ឆ្លើយតបសំណួរកាសែតថា «ហេតុអ្វីត្រូវសម្រេចអនុញ្ញាតឲ្យនាវានេះចូលចត តើត្រូវឲ្យពួកគេទៅណា បើគេបានបិទអស់ហើយ, ដូចដែលខ្ញុំបាននិយាយហើយថា ជំងឺពិតប្រាកដគឺភាពភ័យខ្លាច មិនមែនជាជំងឺកូរ៉ូណានោះទេ។ ការអនុញ្ញតឲ្យចូលនេះបង្ហាញពីការលុបបំបាត់នូវជំងឺភ័យខ្លាច ដែលកំពុងកើតមាននៅលើពិភពលោកយើងនេះ ហើយកម្ពុជាគ្មានឡើយការរើសអើងពូជសាសន៍ ត្រូវតែចូលរួមសង្គ្រោះក្នុងកិច្ចការមនុស្សធម៌ ខណៈពួកគេកំពុងជួបគ្រោះអាសន្ន»។
«យើងត្រូវសហការគ្នា ទាំងអ្នកជាប់នៅលើនាវា ដើម្បីជួយសង្គ្រោះដោយមិនខ្វល់ពីជាតិសាសន៍ ទោះបីជាតិសាសន៍ណាក៏ដោយ កិច្ចការនេះបង្ហាញពីការងារ មនុស្សធម៌ដ៏ប្រពៃ និងសណ្តានចិត្តរបស់កម្ពុជាសម្រាប់មនុស្សលើពិភពលោក ក្នុងការយកអាសារសម្រាប់ជាតិសាសន៍ដទៃ។ បើគេមិនទទួលកម្ពុជាទទួល, កម្ពុជាក៏ចង់បង្ហាញថា កម្ពុជាមិនមែនគ្រាន់តែសហការជាមួយចិននោះទេ គឺធ្វើជាមួយគ្រប់ជាតិសាសន៍ទាំងអស់ ព្រោះបញ្ហានេះវាក្លាយជាបញ្ហាប្រឈម ជាសកលរួចទៅហើយ និងម្យ៉ាងទៀតបញ្ហាមនុស្សធម៌ក៏គ្មានព្រំដែនដែរ។ យើងត្រូវតែជួយពួកគេនៅពេលដែលពួកគេសុំឱ្យយើងជួយ យើងត្រូវតែជួយគេប្រកប ដោយស្មារតីទទួលខុសត្រូវ ។
សូមបញ្ជាក់ថាគិតមកដល់ថ្ងៃទី១២កុម្ភៈនេះជម្ងឺផ្លូវដង្ហើមផ្តើមចេញពីវីរុសកូរ៉ូណានៅទីក្រុងវូហានខេត្តអឺប៉ីប្រទេសចិនដែលអង្គការសុខភាពពិភពលោកឲឈ្មោះថ្មីថាអិនកូវិត១៩(nCovid-19)បានសម្លាប់មនុស្ស១១១៦នាក់ហើយ(ភាគច្រើនប្រជាជនចិន)។មេរោគនេះបានចម្លងដល់មនុស្សជាង៤ម៉ឺននាក់។មានអ្នកព្យាបាលជាសះស្បើយបានជាង៤ពាន់នាក់តែប៉ុណ្ណោះ។
