កណ្តាល ៖ មានការភ្ញាក់ផ្អើល ដោយសារលោកប្តី បានលួចទៅរៀបការជាមួយស្រីថ្មី ហើយត្រូវប្រពន្ធដើមតាមទាន់ នៅភូមិទួលក្រសួង ឃុំរការខ្ពស់ ក្រុងតាខ្មៅ ខេត្តកណ្តាលនៅ នៅព្រឹកថ្ងៃទី ៦ ខែកុម្ភៈ ឆ្នាំ ២០២០ នេះ ។ប្រពន្ធដើមមានឈ្មោះ អ៊ុក ស្រីណុច ចំណែក ប្តីកំហូចរូបនោះ មានឈ្មោះ លី ច្រាយ អ្នកទាំងពីររស់នៅ ក្នុងភូមិទួលក្តី ឃុំត្រើយស្លា ស្រុកស្អាង ខេត្តកណ្តាល មានកូនប្រុសម្នាក់ ។
ស្ត្រីជាប្រពន្ធដើម បានប្រាប់អ្នកសារព័ត៌មាននៅមុខរោងការថា គាត់ និង ប្តីមិនទាន់លែងលះគ្នាដាច់ស្រេចតាមផ្លូវច្បាប់ នៅឡើយទេ ។ គាត់ជាអ្នករកស៊ីលក់ត្រី ពេលរកស៊ីជាមួយគ្នាគាត់ និង ប្តីបានជំពាក់លុយគេរាប់ម៉ឺដុល្លារ មិនត្រឹមតែមិនប្រឹងរកលុយសងគេទេ ប្តីគាត់ ថែមទាំង លួចមករៀបការប្រពន្ធថ្មី ថែមទាំងយករថយន្ត ដឹកត្រីមកជាមួយទៀត ធ្វើឱ្យគាត់ជំពាក់គេកាន់តែធ្ងន់ឡើង។ គាត់មកនេះសុំឱ្យប្តី ដោះស្រាយគ្នា រឿងជំពាក់លុយគេរួចសិន ចង់លែងគ្នា ក៏លែងទៅ ។
នៅខាងមុខរោងការវិញ កូនក្រមុំដែលលួចរៀបការជាមួយប្តីគេនោះ បានស្រែកឆ្កាដៃ ឆ្កាជើង ព្រមទាំងអះអាងថា ខ្លួនមានសំបុត្រសុំរៀបការត្រឹមត្រូវ មិនលួចរៀបការទេ ថែមទាំងបន្ទោស សម្ថកិច្ចឃុំថា បើប្តីគាត់លែងលះគ្នាមិនទាន់ដាច់ស្រេច ហេតុអ្វីចេញច្បាប់ការឱ្យ ។ ទោះជាយ៉ាងណា គេនៅមិនទាន់ឃើញមានសមត្ថកិច្ចចូលមកដោះស្រាយនៅឡើយទេ ។
