ខេត្តព្រះវិហារ: អាជ្ញាធរស្រុកជាំក្សាន្ត ដែលដឹកនាំដោយលោក ជា គឹមសេង ជាអភិបាលស្រុក ត្រូ បានប្រជាពលរដ្ឋសង្ស័យថាឃុបឃឹតជាមួយឈ្មួញទើបបានជា បណ្ដែតបណ្ដោយឲ្យមាន បនល្បែងស៊ីសង បៀប អាប៉ោង យូគីមានទីតាំងនៅលើភ្នំ អានសេះ បើកឲ្យខ្មែរចូលលេង យ៉ាងអនាធិបតេយ្យ ចឹង?។
ប្រភពពីប្រជាពលរដ្ឋនៅតំបន់នោះបានឲ្យដឹងកាលពីថ្ងៃទី៣ ខែកុម្ភៈ ឆ្នាំ២០២០នេះថា បនល្បែងមួយនេះ គឺបើកលេងយូរឆ្នាំមកហើយ។កន្លែងដែលបើក បនល្បែងលេងនោះ គឺស្ថិតនៅជាប់កាស៊ីណូ ចាស់របស់ឧកញ៉ា ទ្រីភាព ហើយយកឈ្មោះកាស៊ីណូ ទ្រីភាព មកបាំងមុខដើម្បីលាក់បាំងពីភ្នែកមហាជន និងច្បាប់ដែលតាមការពិត កាស៊ីណូ ទ្រីភាព នៅលើភ្នំនោះបានបិទទ្វារទុកចោល ជាយូរឆ្នាំមកហើយ ។
ប្រជាពលរដ្ឋដែលរស់នៅក្បែរៗនោះបានឲ្យដឹងថា ទីតាំងបនល្បែងស៊ីសង របស់លោក ធី ដ៏ធំមួយកន្លែងនេះបានធ្វើការបើកលេងជាយូរឆ្នាំ ហើយដោយអ្នកលេងល្បែងខ្មែរជិះសុទ្ធតែឡានទំនើបៗមកលេង តែគ្មានអាជ្ញាធរ និងសមត្ថកិច្ចនៅក្នុងមូលដ្ឋានណាចុះធ្វើការបង្ក្រាបឡើយ។ពលរដ្ឋរិះគន់ថាអាជ្ញាធរនិងសមត្ថកិច្ចនៅក្នុងមូលដ្ឋានបានត្រូវថ្នាំសណ្តំម្ចាស់ទីតាំងហើយ ទើបមិនហ៊ានបង្ក្រាបបនល្បែងស៊ីសង បៀ អាប៉ោង យូគី របស់លោកធី ដ៏ធំមួយកន្លែងនេះឬខ្លាចបែកឆ្នាំងបាយទើបមិនហ៊ានបង្ក្រាបបែបនេះ?។
កាលពីពេលថ្មីៗកន្លងទៅនេះសម្ដេចក្រឡាហោមសខេងឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ បានបង្គាប់ដល់សមត្ថកិច្ចពាក់ព័ន្ធទាំងអស់ឱ្យផ្សប់ផ្សាយពន្យល់ប្រជាពលរដ្ឋឲ្យយល់ដឹងបន្តទៀតអំពីគោលនយោបាយភូមិ-ឃុំមានសុវត្ថិភាពទាំង ០៩ ចំណុច។តែគេមិនដឹងថាតើហេតុអីអាជ្ញាធរស្រុកជាំក្សានក្រោមបញ្ជារប្អូនថ្លៃសម្តេចក្រឡាហោមលោកមិនបង្ក្រាបនោះទេ?។
