រតនៈគីរី ៖ អភិបាលស្រុកកូនមុំលោកសេក ហៃ ត្រូវបានមន្ត្រីរាជការប្ដឹងឯកឧត្តម ប៊ូ ឡាំអ្នកតំណាងរាស្ត្រប្រចាំមណ្ឌលខេត្តរតនគិរី ដើម្បីសុំជួយអន្តរាគមន៍ ព្រោះមានជំនាញជេរ។ឯប្រពន្ធអត់មានតួនាទីអីទេនៅរដ្ឋបាលស្រុកតែជំនាញខាងគំរាមដកតំណែងមន្ត្រីណាដែលមិនធ្វើតាមទៅខ្លួន ។ ប៉ុន្តែរហូតមកដល់ពេលនេះ មន្ត្រីរាជការទាំងនោះ នៅមិនទាន់ទទួល បានយុត្តិ ធម៌ និងដំណោះស្រាយពីសំណាក់ថ្នាក់ដឹកនាំនៅឡើយទេ ។
ប្រភពបានឲ្យដឹងទៀតថា មន្ត្រីរាជការដែលដល់ក៌និងចារិកចៅហ្វាយស្រុកកូនមុំហ៊ានផ្តិមមេដៃ ប្តឹង រួមមានចាប់ពីប្រធាន អនុប្រធានការិយាល័យ អធិការ អធិការរង នៃស្រុក។តាមលិខិតរបស់មន្ត្រីរាជការ ស្រុកកូនមុំ ដែលបានគោរពផ្ញើជួនឯកឧត្តម ប៊ូ ឡាំ អ្នក តំណាងរាស្ត្រមណ្ឌលខេត្តរតនគិរី ចុះថ្ងៃទី ២៦ ខែ កក្កដា ឆ្នាំ២០១៩ដែលទើបបែកធ្លាយ បញ្ជាក់ថា យើងខ្ញុំទាំងអស់ គ្នាជាមន្ត្រីរាជការ នៃស្ថាប័នជំនាញ ក៏ដូចជាតំណាងឲ្យប្រជាពលរដ្ឋទូទាំងស្រុកកូនមុំដែល ទទួលរងការឈឺចាប់ពីសំណាក់លោកសេក ហៃ និងលោកស្រី ផៃ លីណា ត្រូវជាភរិយារបស់ គាត់ដែលមានរាយនាមដូចខាងក្រោម៖
ទី១ឈ្មោះថោ ប៊ុនថេត ប្រធានការិយាល័យភូមិបាលស្រុក។ទី២ឈ្មោះ ខាំ ប៉ៃសាំង អនុប្រធាន ការិយាល័យកសិកម្មស្រុក។ទី៣ឈ្មោះផន សុភាព ប្រធានការិយាល័យអប់រំស្រុក។ទី៤ឈ្មោះ ធុយ គន្ធី ប្រធានមណ្ឌលសុខភាពស្រុក។ទី៥ឈ្មោះស៊ុំ សុវណ្ណ អនុប្រធានបណ្ឌលសុខភាព ស្រុក។
ទី ៦ឈ្មោះ ម៉ី សយ ប្រធានមណ្ឌលសុខភាពតឺន។ទី៧ឈ្មោះ ភោគ បូរិទ្ធ អធិការស្រុក កូនមុំ។ទី៨ឈ្មោះ ពុត សាវី អធិការរងស្រុកកូនមុំ
ទី៩ឈ្មោះ ជា សារិទ្ធ អធិការរងស្រុកកូនមុំ។
មន្ត្រីរាជការ ទាំងនោះក៏បានបញ្ជាក់ឲ្យដឹងផងដែរថាតើនៅសាលាស្រុកកូនមុំ មាន ឈ្មោះលោកស្រី ផៃ លីណាគាត់មិនមានតួនាទីជាអ្វីទេតើ គាត់មានការចាត់តាំង ពីថ្នាក់លើដែររឺទេ បានជារាល់កិច្ចការទាំង ឡាយគាត់ជាអ្នកចាត់ចែង។ បើមិនធ្វើតាមគាត់នោះទេ គាត់តែងតែប្រើពាក្យថា ប្រាប់មេឲ្យហៅ មកណែនាំចេញ ហើយអ្នកទាំងនោះនឹងត្រូវរងគំនាប ពីលោកអភិបាលស្រុកជាមិនខានឡើយ។
ប្រភពពីមន្ត្រីម្នាក់នៅសាលាស្រុកកូនមុំ បានអោយដឹងថាបន្ទាប់ពីមានការកោះប្រជុំដើម្បីរកដំណោះស្រាយ ប៉ុន្តែគ្មានលទ្ធផលនោះ ទើបនៅថ្ងៃទី០៣ ខែ មករា ឆ្នាំ២០២០ លោក សេក ហៃ អភិបាលស្រុកកូនមុំ ក៏បានចេញនូវលិខិតបំភ្លឺមួយច្បាប់ ដែលមានខ្លឹមសារថា៖ រាល់បណ្តាញសារព័ត៌មានមួយចំនួនដែលបានចុះផ្សាយនាពេលកន្លង មកទៅលើ លោក សេក ហៃ ដែលជាអភិបាលស្រុក ត្រូវបានជនអនាមិកឆ្លៀតឱកាសញុះញុងអោយសារព័ត៌មានចុះផ្សាយបំភ្លើសពីច្បាប់ដើម ដែលជារឿងគួរអោយអស់សំណើច ព្រោះបំភ្លៃលើសពីការពិតទាំងស្រុង។
ប៉ុន្តែអ្វីដែលលោក សេក ហៃ ដអភិបាលស្រុកកូនមុំ បកស្រាយនោះត្រូវបានមន្ត្រីដែលដឹងរឿងចាត់ទុកថាគ្រាន់តែជាលេសដើម្បីដោះបន្ទុកចំពោះការប្ដឹងចោទលោកតែប៉ុណ្ណោះ ៕
