ភ្នំពេញ ៖ វាពិតជាពិបាកធ្វើចិត្តបំផុតសម្រាប់មនុស្ស២នាក់ដែលស្រឡាញ់គ្នាខ្លាំងហើយត្រូវបែកគ្នាជារៀងរហូតគ្មានថ្ងៃជួបវិញ ដោយសារតែមច្ចុរាជតាមផ្លូវថ្នល់ ។
ជាក់ស្តែង គូស្នេហ៍មួយគូដែលត្រៀមភ្ជាប់ពាក្យចូលរោងការជាមួយគ្នានៅថ្ងៃទី៣១មករា បែរជាខាងស្រីត្រូវមកទទួលមរណៈភាព ដោយសារគ្រោះថ្នាក់ចរាចរណ៏គួរឱ្យសង្វេគ ។ គណនីហ្វេសប៊ុកឈ្មោះតុងគិមហាក់( Tong KimHak )ដែលជាគូដណ្តឹងបានបង្ហោះសារដូច្នេះថា៖អូនអើយ អូនសំលាញ់ អូនជាអ្នកសម្រេចយកថ្ងៃ31 ជាថ្ងៃយើងភ្ជាប់ពាក្យ ផ្ទុយទៅវិញ ថ្ងៃ31 ជាថ្ងៃបុណ្យ 7ថ្ងៃ អូនទៅវិញ ។
លោកតុងគិមហាក់បានប្រកាសថា៖ខ្ញុំបាទ ជាគូរដណ្តឹង កញ្ញា នាង វាសនា ( ស្រីពៅ ជានិស្សិតច្បាប់ឆ្នាំទី៤) ពេលនេះ គាត់បានទទួលមរណៈភាពហើយ ខ្ញុំសង្ឃឹម និងជឿជាក់ថា គាត់និងបានកើតនៅឯឋានសួគ៌ ឋានសុខ ជាពុំខាន ។ គាត់ និងខ្ញុំបានជួបគ្រោះថ្នាក់នៅតាមផ្លូវទៅខេត្តកំពត ក្រុមគ្រួសារ មិត្តភក្តី បងប្អូន ក្រុមការងារ ពិតជាឈឺចាប់ខ្លាចផ្សាណាស់ មិនគួរណាមនុស្សល្អ ស្លូតបូត តស៊ូ បែរជាមានអាយុខ្លីបែបនេះទេ។
ចំនែកឯ រូបខ្ញុំផ្ទាល់ ពិតជាសោកស្តាយ វិប្បដិសារីណាស់ ខ្លាចផ្សាណាស់ មួយឆាតជីវិតនេះ នាងល្អណាស់សម្រាប់ខ្ញុំ លើកនេះវាជារឿងមួយដែលកាចសាហាវជាទីផុត សម្រាប់ខ្ញុំនិងគ្រួសារយើងខ្ញុំ ទោះជាខ្ញុំយំស្រែកបែកមេឃយ៉ាងណា ក៏គ្មានថ្ងៃនាងវល់មកវិញឡើយ។ ខំគេច ខំសន្សំបុណ្យ ខំស្រលាញ់ ថ្នាក់ថ្នម ធ្វើយ៉ាងម៉េចបើយើងមាននិស្ស័យ បានជួបគ្នាត្រឹមប៉ុណ្ណឹង ។សូមគ្រប់ជាតិទៅមុខ អូនរស់បានសុខសាន្ត បានអាយុវែង រស់នៅលើគំនរទ្រព្យសម្បត្តិ ហើយបងសុំប្រាថ្នាកើតជាតិណាៗ បានជួបគ្នាជាគូស្មោះស្ម័គ្រ ដល់ចាស់ អស់ជីវិតរៀងៗខ្លួនរហូតតទៅ..។បើតាមហ្វេសប៊ុកនាងមិត្តភក្រ័ជាច្រើនបានចូលរួមសោកស្តាយចំពោះចារិកនិងអំពើល្អរបស់នាង៕
