ភ្នំពេញ៖ ក្រោយពី ម៉ូល្លីកា បានប្រកាសហៅប្តីចូលតុលាការក្រោយពីពួកគេរៀបការបានត្រឹមតែ ១៣ ថ្ងៃប៉ុណ្ណោះបង្កឲ្យ មានការភ្ញាក់ផ្អើល និង ចាប់អារម្មណ៍ជាខ្លាំង។ករណីយ៍ស្រីលក់ឡេមានលុយការប្តីហើយលែងចោលមិនមែនមានតែនាងម៉ូល្លីការម្នាក់ឯងទេគឺតារាស្រីល្បីឈ្មោះខាងលក់ឡេរកលុយធូសាច់ខ្ចីដែលគេស្គាល់ថារីយ៉ាក៏បានប្រកាសពីការបែកបាក់ប្តីផងដែរ។
ម៉ូល្លីកា បានបង្ហោះសារបង្ហាញពីអារម្មណ៍ខឹងសម្បាជាបន្តបន្ទាប់ចំពោះលោក ឆានុន ជាស្វាមីថា «ស្មើនឹងហើយទៅសុីការគេមិនចូលផ្ទះមែន Ok ស្អែកឡើងតុលាការលែងគ្នា អញពោះធំ នៅផ្ទះម្នាក់ឯងទៀត ហ៊ានទុកអញចោល» ។ «ខ្ញុំរឹងមាំមក រហូតហើយចឹងខ្ញុំនិយាយហើយខ្ញុំត្រូវធ្វើឱ្យបានចាត់ការឆ្កែចោលមួយទុកក៏មិនចំណេញដកចេញក៏មិនខាត» ។
រឿង ម៉ូល្លីកាតារាមានលុយព្រោះលក់ឡេបាន បង្ហោះសារខឹងប្តីដល់ថ្នាក់ប្រកាសចង់លែងគ្នាក៏ពិតមែន តែរហូតមកដល់ពេលនេះគេមិនទាន់ឃើញលោក ឆានុន ជាស្វាមីរបស់ នាងម៉ូល្លីកា តបតឡើយ ។ តើហេតុអ្វីម៉ូល្លីកានាងការទើបបានជាង១០ថ្ងៃប្រកាសមានកូនក្នុងពោះ ប្រកាសលែងប្តីចឹង?ប្រហែលនាងអាងមានលុយប្រើអំណាចគាបសង្កត់ប្តីពេកទេដឹង?ជាក់ស្តែងនាងបានបង្ហាញអួតនូវទឹកប្រាក់ជាច្រើនដែលមានទាំងប្រាក់ដុល្លារ និង ប្រាក់រៀលដោយនាងអះអាងថាជាការលក់ឡេក្នុងមួយថ្ងៃៗ ។ ក្នុងនោះ ម៉ូល្លីកា ក៏បានដាក់ជាសំណួរឌឺថាទឹកប្រាក់បែបនេះអាចចិញ្ចឹមកូនរស់ដែរទេ? លក់ឡើងខ្ជិលរាប់លុយទៅហើយ? ។
គួរបញ្ជាក់ថាមុននឹងសម្រេចចិត្តរៀបការ ម៉ូល្លីកា និង ស្វាមីលោក ឆានុន បានស្គាល់ និង ស្វែងយល់ចិត្តថ្លើមគ្នាជាច្រើនឆ្នាំមកហើយ រហូតដល់ចូលរោងការកាលពីថ្ងៃទី១៨មករាដោយអួតថាចាយលុយ១០ម៉ឺងដុល្លារអាមេរិកជាងនោះពេលនេះ ម៉ូល្លីកា ក៏កំពុងតែពពោះកូនក្នុងផ្ទៃផងដែរ។
សម្រាប់តារាលក់ឡេល្បីឈ្មោះរីយ៉ាវីញនាងក៏មិនណយដែរបានឲ្យគេដឹងថានាងនិងប្តីបែកបាក់គ្នាហើយ។
តាមប្តីនាងរីយ៉ាដែលជាជនជាតិឥស្លាមផងនោះបានអធិប្បាយផ្ទាល់ជាវិដេអូតាមហ្វេសប៊ុកថាក្រោយពីការបានកូនខ្ចីមួយប្រពន្ធលោកគឺនាងរីយ៉ាបានប្តូរចារិកមាក់ងាយជេរបញ្ចោរលោកខុសពីការសន្យាមុនពេលរៀបការដែលថានាងសុខចិត្តចូលគោរពសាសនាឥស្លាមឈប់ចូលវត្តឆេងម៉េងដូចមុនទៀតហើយ។តែឥលូវនាងបានប្រែក្រលាស់ទើបលោកសុខចិត្តចុះចេញតាំងពីចុងខែធ្នូឆ្នាំ២០១៩?។
តាមហ្វេសប៊ុកហ្វេសប៊ុក លោក ហេន ឌ្រី ដែលជាស្វាមីនាងរីយ៉ា បង្ហោះសារមួយដែលមានអត្ថន័យចាក់ដោតបំផុតថា «កន្លែងណាដែលគេមិនឱ្យតម្លៃខ្ញុំ ខ្ញុំក៏ដើរចេញ ព្រោះខ្ញុំតែងតែឱ្យតម្លៃខ្លួនឯង អ្នកសំណាងអាក្រក់ដោយខ្លួនឯង ដែលមើលមិនឃើញតម្លៃរបស់ខ្ញុំ ការពិតនៅតែជាការពិត» ។
