ភ្នំពេញ ៖ នៅព្រឹកថ្ងៃទី៣០.មករា.២០២០ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានធ្វើ សន្និសីទសារព័ត៌មានបញ្ជាក់ពីព័ត៌មានពិត ជាក់ស្តែងនៅកម្ពុជាស្តីអំពី ស្ថានភាពនៃអ្នកឆ្លងជម្ងឺផ្លូវដង្ហើមរលាកសួតដែលបង្កឡើងដោយ មេរោគកូរ៉ូណាវីរូស មានប្រភពពីទីក្រុងវូហានប្រទេសចិននោះ គឺកម្ពុជាមានតែ១ករណីហើយ។
ជនជាតិចិនរូបនោះក៏ត្រូវបានខាងក្រុមគ្រូពេទ្យកម្ពុជាបានយកចិត្តទុកដាក់ព្យាបាលបានជាសះស្បើយ១០០ភាគរយហើយដែរ ។ សម្តេចបានបញ្ជាក់ច្បាស់ថា អ្វីដែលជាការភ័យខ្លាចខ្លាំងបំផុតរបស់ប្រជាពលរដ្ឋនោះគឺក្រុមអ្នកលេង facebook បំពុល សង្គមដោយធ្វើការផ្សាយព័ត៌មានមិនពិត អំពីករណី វីរូសកូរ៉ូណានេះតែម្តង(នៅមុខមន្ទីរពេទ្យរុស្ស៊ី) ។
សម្តេចតេជោបានលើកចំឈ្មោះ លោក K01 ដែលជាអ្នកលេង facebook ដ៏ល្បីម្នាក់ដែរខាង Levi ព័ត៌មាន តាមទីសាធារណៈហើយស្រែកកោកកាកៗអោយគេ ជួយស៊ែៗអោយបានច្រើន តែគាត់គ្មានវិជ្ជាជីវៈអ្នកសារព័ត៌មានច្បាស់លាស់ទេ ។ សម្តេចក៏ប្រាប់អោយសុំទោសមហាជន និងក្រសួងពាក់ព័ន្ធផងដែរ ។ ករណីនេះ កាលពីល្ងាចថ្ងៃទី២៩ មករា២០២០លោក K01 ក៏បានLevi. សុំទោសមហាជនរួចហើយដែរ ហើយដើម្បីបញ្ជាក់នូវការទទួលស្គាល់កំហុសរបស់ខ្លួនដែលបានធ្វើខុសឆ្គងក្នុងវិជ្ជាជីវៈអ្នកសារព័ត៌មាន។
លោកK01 ក៏បានចូលខ្លួនទៅក្រសួងព័ត៌មា នាព្រឹកថ្ងៃទី៣០មករា២០២០ នៅនាយកដ្ឋានមណ្ឌលព័ត៌មាននៃអគ្គនាយកដ្ឋានព័ត៌មាននិងសោតទស្សន៍ ដែលបានកោះហៅលោក ឃឿន សុឡា ហៅ k01 ចាងហ្វាងកាសែតកំលាំងមនុស្សធម៍ មកធ្វើការអប់រំ ណែនាំ ជុំវិញការផ្សព្វផ្សាយព័ត៌មាន ដែលធ្វើអោយមានភាពចលាចលក្នុងសង្គម ទាក់ទងទៅនឹងជំងឺផ្លូវដង្ហើមថ្មី(កូរ៉ូណា)កាលពីម្សិលមិញនៅមុន្ទីពេទ្យរុស្ស៊ី ។
យោងតាមគណនីយ៍ facebook លោក យ៉ែម ណយ ប្រធាននាយកដ្ឋានមណ្ឌលព័ត៌មានបានបញ្ជាក់ថា ជាការឆ្លើយតបលោកចាងហ្វាង k01 បានធ្វើការសុំទោសនិង ទទួលកំហុសនូវការផ្សព្វផ្សាយព័ត៌មានមិនពិត គ្មានប្រភពច្បាស់លាស់ ដែលធ្វើអោយសាធារណជនមានការភាន់ច្រលំនិងភ័យខ្លាច។
ជាចុងក្រោយគាត់បានសន្យាថានឹងមិនអោយមានរឿងនេះកើតឡើងសារជាថ្មីទៀតទេ មិនតែប៉ុណ្ណោះ គាត់ក៏បានសរសេរលិខិតសុំទោសជាផ្លូវការ នូវរាល់កំហុសឆ្គងទាំងឡាយដល់រដ្ឋមន្ត្រីក្រសួងព័ត៌មាននិងរដ្ឋមន្ត្រីក្រសួងសុខាភិបាលផងដែរ កាលពីល្ងាចម្សិលមិញ ៕ ដោយ : សុផល