ភ្នំពេញ៖ ក្នុងគោលបំណងដោះស្រាយការព្រួយបារម្ភពីសុវត្ថិភាព និង ការរីករាលដាលនៃមេរោគផ្លូវដង្ហើម កូរ៉ូណា (Corona Virus) នៅក្នុងប្រទេសចិន ក្រុមហ៊ុនអាកាសចរណ៍ជាតិកម្ពុជា អង្គរ អ៊ែរ បានប្រកាសសងលុយអតិថិជនដែលមានសំបុត្រយន្តហោះទៅចិននៅមានសុពលភាព។
យោងតាមចេញសេចក្តីជូនដំណឹងមួយរបស់ក្រុមហ៊ុន ដល់អតិថិជនទាំងអស់ ដែលមានសំបុត្រសម្រាប់ជើងហោះហើររវាងប្រទេសកម្ពុជា និង ចិន នោះគឺ អ្នកដែលអាចទទួលសំណងវិញដោយឥតគិតថ្លៃត្រឡប់មកវិញ ត្រូវមានការអនុវត្តតាមលក្ខខណ្ឌមួយចំនួន ៖
១– សំបុត្រនៅមានសុពលភាព សម្រាប់ធ្វើដំណើរ
២– សំបុត្របានចេញមុន ឬ នៅថ្ងៃទី២៧ ខែមករា ឆ្នាំ២០២០
៣– សំបុត្រដែលត្រូវធ្វើដំណើរពីថ្ងៃទី២៤ ខែមករា ឆ្នាំ២០២០ ដល់ថ្ងៃទី២៩ ខែកុម្ភ: ឆ្នាំ២០២០ ។
១/ សូមអតិថិជនទាំងអស់ ទាក់ទងទៅកាន់ភ្នាក់ងារដើមដែលលោកអ្នកបានចេញសំបុត្រជាមួយ (ភ្នាក់ងារទេសចរណ៍, ភ្នាក់ងារទេសចរណ៍ Online, ក្រុមហ៊ុនទេសចរណ៍ផ្សេងៗ ។ល។) ឬលោកអ្នកអាចស្នើរសុំសំណង Refund តាមគេហទំពរ័របស់ក្រុមហ៊ុនអាកាសចរណ៍ជាតិ កម្ពុជា អង្គរ អ៊ែរ បើសិនលោកអ្នកទិញសំបុត្រដោយផ្ទាល់តាមគេហទំពរ័ររបស់យើងខ្ញុំ ។
២/ សូមភ្នាក់ងារទេសចរណ៍ទាក់ទងទៅកាន់ការិយាល័យរបស់ក្រុមហ៊ុនអាកាសចរណ៍ជាតិ កម្ពុជា អង្គរ អ៊ែរ នៅប្រទេសកម្ពុជា ចិន និង វៀតណាម ក្នុងករណីសំណងជាក្រុម ឬ ការគណនាសំបុត្រ ដែលបានប្រើប្រាស់មិនពេញលេញ ។ នេះបើយោងតាមក្រុមហ៊ុនអាកាសចរណ៍ជាតកម្ពុជា អង្គរ អ៊ែរ ។