អាមេរិក ៖ ជំងឺគ្រុនក្តៅរលាកសួតថ្មីហៅថាវីរុសកូរ៉ូណាបាននិងកំពូងធ្វើឲ្យប្រជាជននៅប្រទេសចិនពិសេសក្រុងវូហានដែលជាប្រភពចម្លងមានការជ្រួលច្របល់រហូតបិទមិនឲ្យប្រជាជនរាប់លាននាក់ចេញពីលំនៅដ្ខាន។
ទន្ទឹមនិងការជ្រួលសច្រប់លនេះយោងការផ្សាយរបស់សារព័ត៌មាន Dailymail បានឲ្យដឹងថាវីរុសកាចកូរូណាសាហាវ( Coronavirus) ដែលមានប្រភពចេញពីទីក្រុងមួយនៅប្រទេសចិន កំពុងតែចាប់ផ្តើមធ្វើការរាតត្បាតដល់ពិភពលោកទាំងមូលហើយ។ ជាក់ស្តែងវីរុសនេះបានសម្លាប់មនុស្សអស់៤២នាក់នៅស្រុកចិន និងប្រមាណជាង១៣០០នាក់ កំពុងតែឆ្លងមេរោគនេះ។
បើតាមស្ដីរបស់ លោកអេរិកថនឺ( Eric Toner )ដែលជាអ្នកវិទ្យាសាស្ត្រនិងជាអ្នកជំនាញសុខភាព នៅមជ្ឈមណ្ឌលសុវត្ថិភាពសុខភាពអាមេរិកបានឲ្យដឹងថា៖ក្រុមការងារលោកបានធ្វើការស្រាវជ្រាវគំរូលើវីរុសនេះតាមរយៈប្រព័ន្ធកុំព្យូរទ័រ ហើយរកឃើញទិន្នន័យនៃ វីរុស Coronavirus នេះអាចនឹងសម្លាប់មនុស្សទូទាំងពិភពលោកប្រមាណ ៦៥លាននាក់ក្នុងរយៈពេលតែមួយឆ្នាំកន្លះប៉ុណ្ណោះ។
លោកបានឲ្យដឹងទៀតថា លោកមិនមានការតក់ស្លុតនៃរីករាលដាលនៃវីរុស coronavirus នោះទេព្រោះលោកធ្លាប់គិតជាយូរមកហើយថា នឹងមានវីរុសថ្មីដែលនឹងបង្កឲ្យជំងឺរាតត្បាតទ្រង់ទ្រាយធំកើតមាននៅលើពិភពលោកគឺ វីរុស coronavirus នេះឯង។
គួរបញ្ជាក់ដែលថាបច្ចុប្បន្ននេះ មេរោគដ៏កាចសាហាវនេះបានឆ្លងទៅបណ្ដាប្រទេសជាច្រើនដូចជា ប្រទេសបារាំង អូស្ដ្រាលី នេប៉ាល់ អាមេរិច កូរ៉េខាងត្បូង ជប៉ុន សិង្ហបុរី វៀតណាម ថៃ ហើយប៉ុន្មានម៉ោងមុននេះប្រទេសម៉ាឡេស៊ី គឺជាប្រទេសទី៤ នៅក្នុងអាស៊ានដែលបានឆ្លងវីរុសកូរ៉ូណានេះ។
សម្រាប់កម្ពុជាលោកដុកទរ័លីសូវ៉ានប្រធាននាយកដ្ឋានបង្ការជំងឺឆ្លងរបស់ក្រសួងសុខាភិបាលបានប្រកាសថាគេមិនទានរកឃើញអ្នកមានជំងឺនេះនៅស្រុកខ្មែរនៅឡយទេ។ទាក់ទងនឹងបញ្ហានេះកម្ពុជាបានត្រៀមរៀបកម្លាំងជាង ២០០០ នាក់នៅតាមព្រំដែននិងអាកាសយានដ្ឋានដើម្បី ពិនិត្យនិងតាមដាននិងទប់ស្កាត់ការឆ្លងចូលមេរោគនេះមកកម្ពុជា។ក្រសួងសុខាភិបាលបានច្រានចោលនូវព័ត៌មានមិនពិតលើករណីជំងឺរលាកសួតដោយវីរុសនូវែលកូរូណានិងចេញវិធានការណ៍ប្រុងប្រយ័ត្នផ្ទាល់ខ្លួន៦ចំណុចដែលរួមមាន៖
ជៀសវាងទៅកន្លែងចិញ្ចឹមសត្វ ប៉ះពាលល់សត្វ។ប៉ះពាល់សាច់សត្វនិងផលិតផលគ្រឿងសមុទ្រនិងសត្វព្រៃឬសត្វរស់។ លាងសម្អាតដៃឱ្យបានញឹកញាប់នឹងសាប៊ូក្រោយពីប៉ះពាល់សត្វ។ជៀសវាងប៉ះពាល់ជិតស្និទ្ធនឹងអ្នកជំងឺផ្លូវដង្ហើមស្រួចស្រាល អ្នកមានជំងឺផ្លូវដង្ហើមស្រួចស្រាលត្រូវខ្ទប់មាត់ច្រមុះពេលក្អកកណ្ដាស់។បុគ្គលិកសុខាភិបាលត្រូវការពារខ្លួននិងផ្ដល់ការថែទាំអ្នកជំងឺឱ្យបានខ្ជាប់ខ្ជួន។
