ភ្នំពេញ ៖ យន្តហោះគ្មានមនុស្សបើក(ដ្រូន)ដែលគេឃើញកាលពីថ្ងៃទី១៦មករាធ្លាក់នៅស្រុកគីរីសាគរកោះកុងនោះត្រូវបានរុះដឹកយកមកភ្នំពេញហើយ។
តាមប្រភពពីការស្រាវជ្រាវរបស់ទ័ពអាកាស បានឲ្យដឹងថា តម្លៃដ្រូន ដែលមានប្រវែងជិត៥ម៉ែត្រនិងទទឹងស្លាបប្រវែង៩ម៉ែត្រធ្លាក់នៅកោះកុងនោះមានតម្លៃ ចន្លោះពី ១០០០លានរៀល ទៅ១៣០០លានរៀល ហើយស្ថិតក្នុងស៊េរី Rainbow drone ផលិតនៅខែ ឧសភា ឆ្នាំ២០១៥ ជា ផលិតផលរបស់ ក្រុមហ៊ុន CASC (ក្រុមហ៊ុនចិន)។ ចំពោះមូលហេតុនៃការធ្លាក់នេះ ត្រូវបានគេសន្និដ្ឋានថា បណ្ដាលមកពីអស់ប្រេង?។
ប៉ុន្តែថាតើហេតុអ្វី បានជាវាមកធ្លាក់លើដីខ្មែរដោយមានឆត្រ័យោងដែលមិនបង្កឲ្យមានការខូចខាតអ្វីសោះនោះ។ធម្មតាបើដ្រូនចារកម្មវាត្រូវបានគេបំផ្ទុះចោលជាមិនខានមិនមែនទុកដានចឹងទេ។ មិនទាន់មានប្រភពណាមួយបញ្ជាក់នៅឡើយទេមកទល់ពេលនេះទាំងមន្ត្រីទូតចិននៅស្រុកខ្មែរទាំងមន្ត្រីរាជរដ្ឋាភិបាលសម្ងំឈឹងបានន័យថាគេខំកប់រឿងនេះចោល។ព្រោះថាវាមិនដែលមានសុខៗមានដ្រូនត្រូវបានគេបញ្ជូនឲ្យមកធ្លាក់ក្នុងស្រុកខ្មែរទទេៗចឹងនោះទេ?។