រតនគិរី ៖ នាសាលមហោស្រពសម្តេចតេជោហ៊ុន សែនទីរួមខេត្តរតនគិរីនៅថ្ងៃទី២២ខែមករាឆ្នាំ២០២០នេះ បានរៀបចំពិធីប្រកាសផ្ទេរភារកិច្ចតែងតាំងមុខតំណែងនិងបំពាក់ឋានន្តរស័ក្តិជូនមន្ត្រីនគរបាលជាតិនៃស្នងការរដ្ឋាននគរបាលខេត្តរតនគិរីក្រោមអធិបតីភាពលោកឧត្តមសេនីយ៍ឯកហាវ ចាន់សិទ្ធិអនុប្រធាននាយកដ្ឋានបុគ្គលិកតំណាងនាយឧត្តមសេនីយ៍សន្តិបណ្ឌិតនេត សាវឿនអគ្គស្នងការនគរបាលនិងលោកលន់ សុភាពអភិបាលរងខេត្តរតនគិរី ។
ចូលរួមក្នុងអង្គពិធីខាងលើនេះដែរមានលោកមេបញ្ជាការកម្លាំងប្រដាប់អាវុធទាំង៣ប្រភេទ,លោក-លោកស្រីស្នងការរង,លោកអនុប្រធានការិយាល័យកណ្តាល,នាយ-នាយរងការិយាល័យ,អធិការស្រុក-ក្រុងចំណុះឲ្យស្នងការដ្ឋាននគរបាលខេត្តរតនគិរីជាច្រើនរូប។
ស្នងការនគរបាលខេត្តរតនគិរីលោកឧត្តមសេនីយ៍ទោយិន ចំណានស្នងការនគរបាលខេត្តរតនគិរីធ្វើរបាយការណ៍ជូនគណអធិបតីភាពរួច, លោកវរសេនីយ៍ឯក ទេព ស៊ីម នាយរងការិយាល័យបុគ្គលិករាជធានី-ខេត្ត នៃនាយកដ្ឋានបុគ្គលិកបានអានសេចក្តីប្រកាសតែងតាំងស្នងការរង ៣ នាក់, អធិការ១នាក់(ស្រុកតាវែង), នាយរងការិយាល័យចំនួន១១នាក់(ស្រី១នាក់), មេបញ្ជាការរងវរការព្រំដែន៣នាក់, អធិការរងចំនួន៧នាក់,នាយផ្នែកចំនួន៥៥នាក់ (ស្រី៦នាក់), នាយរងផ្នែកចំនួន៦១នាក់(ស្រី៤នាក់), នាយរងប៉ុស្តិ៍រដ្ឋបាលចំនួន១១នាក់ ។
តម្លើងឋានន្តរស័ក្តិសរុបចំនួន២៨៤នាក់(ស្រី២០នាក់) ក្នុងនោះ ថ្នាក់វរសេនីយ៍ទោចំនួន ២៣ នាក់, ថ្នាក់វរសេនីយ៍ត្រីចំនួន២៦នាក់, ថ្នាក់អនុសេនីយ៍ឯកចំនួន៤៧នាក់ (ស្រី៣នាក់), ថ្នាក់អនុសេនីយ៍ទោចំនួន៥៧នាក់(ស្រី៥នាក់), ថ្នាក់អនុសេនីយ៍ត្រីចំនួន៥៨នាក់(ស្រី៥នាក់), ថ្នាក់ព្រិន្ទ្របាលឯកចំនួន៦៥នាក់(ស្រី៤នាក់), ថ្នាក់ព្រិន្ទ្របាលទោចំនួន៥នាក់(ស្រី១នាក់) និងថ្នាក់ពលបាលទោ៣នាក់(ស្រី២នាក់) ។
លោកឧត្តមសេនីយ៍ឯក ហាវ ចាន់សិទ្ធិ និងលោក លន់ សុភាព បានធ្វើការផ្តាំផ្ញើរដល់នាយ-នាយរងនិងពលនគរបាលទាំងអស់ដែលទើបទទួលតំណែងនិងតម្លើងឋានន្តរស័ក្តិនាពេលនេះត្រូវខិតខំបំពេញភារកិច្ចដែលថ្នាក់លើប្រគល់ជូនដើម្បីបំរើប្រទេសជាតិបំរើប្រជាពលរដ្ឋ,ហើយការប្រកាសតែងតាំងនិងតម្លើងឋានន្តរស័ក្តិដោយសារគុណបំណាច់អស់លោកខិតខំធ្វើការមិនខ្លាចនឿយហត់កន្លងមក,រីឯអ្នកមិនទាន់បានតែងតាំងនិងបំពាក់ឋានន្តរស័ក្តិគឺថ្នាក់លើនឹងរៀបចំជូនពេលក្រោយ ។
ជាងនេះទៅទៀត សូមឲ្យអស់ លោកនាយ-នាយរងនិងពលនគរបាលទាំងអស់សូមឲ្យមានសាមគ្គីភាពផ្ទៃក្នុងល្អ,មានទំនាក់ទំនងល្អជាមួយមន្ទីរ អង្គភាព ស្ថាប័នផ្សេងៗ,អនុវត្តគោលនយោបាយភូមិ-ឃុំមានសុវត្ថិភាពទាំង៩ចំណុចរបស់រាជរដ្ឋាភិបាល,ហើយអររគុណសន្តិភាពដែលធ្វើឲ្យប្រទេសជាតិមានការរីកចម្រើនដូចសព្វថ្ងៃផងដែរ៕
ដោយ ៖ ចាប សំអាន
