ភ្នំពេញ ៖ ករណីក្មេងស្រីម្នាក់ដែលត្រូវបានក្មេងស្រីមួយក្រុមវាយនៅក្នុងថ្នាក់រៀន នៃវិទ្យាល័យផ្សារដើមថ្កូវនៅរសៀលថ្ងៃទី១៧មករានេះបានប្រកាសបដិសេធមិនព្រមទទួលសំណងពីចនបង្កឡើយហើយសុំឲ្យផ្តន្ទាទោសតាមច្បាប់។នេះបើតាមបទសម្ភាសន៍ជាមួយហ្វេប៊ុកលោកខេ០១។
ប្រតិកម្មនេះបានកើតឡើងក្រោយពីស្នងការនគរបាលរាជធានីភ្នំពេញបានបង្ហោះអត្ថបទប្រាប់ថារឿង ត្រូវបានដោះស្រាយបញ្ចប់ ដោយភាគីជនរងគ្រោះយល់ព្រមដកពាក្យបណ្តឹង ជនបង្ករ និងអាណាព្យាបាល ក៏បានសូមទោសដល់ជនរងគ្រោះ ក្រុមគ្រួសារ និងសាធារណ:ជនទាំងអស់ ចំពោះកំហុសឆ្គងដ៏ធ្ងន់ធ្ងរដែលគាត់បានធ្វើ ម្យ៉ាងវិញទៀតក៏មានការឯកភាពយល់ព្រមពីលោក កែវ សុធា ព្រះរាជអជ្ញា នៃអយ្យការ អមសាលាដំបូងរាជធានីភ្នំពេញផងដែរ ។
កម្លាំងប៉ុស្តិ៍ផ្សារដើមថ្កូវនៃអធិការដ្ឋាននគរបាលខណ្ឌចំការមន បានកោះហៅជនបង្ករ និងអាណាព្យាបាលដើម្បីធ្វើការសាកសួរ ទាក់ទងទៅនឹងករណីវាយសិស្សស្រីម្នាក់ក្នុងថ្នាក់ កាលពីថ្ងៃទី១៥ ខែធ្នូ ឆ្នាំ២០១៩ ។ក្រោយពីធ្វេីការសាកសួរ និងធ្វេីកំណត់ហេតុរួច ជនបង្ករត្រូវបានបញ្ជូនមកការិយាល័យព្រហ្មទណ្ឌកំរិតស្រាល ដេីម្បីធ្វេីការបន្តលេីករណីនេះ ជនបង្ករបានសារភាពនូវកំហុស ថាខ្លួនពិតជាបានវាយក្មេងស្រីម្នាក់នេះមែន ។
បន្ទាប់ពីការជួបជជែកគ្នារវាងក្រុមគ្រួសារជនរងគ្រោះ និងក្រុុមគ្រួសារជនបង្ករ ជាលទ្ធផលក្រុមគ្រួសារជនរងគ្រោះបានយល់ព្រមបញ្ចប់រឿងនេះដោយដកពាក្យបណ្តឹង ហើយជនបង្ករ និងក្រុមគ្រួសារក៏បានធ្វើការសុំទោសជាសាធារណ:។ ជាពិសេសគឺអាណាព្យាបាលជនបង្ករបានសូមទោស ដែលគាត់មិនបានណែនាំអប់រំកូនៗគាត់អោយបានល្អ និងសូមសន្យាថាមិនប្រព្រឹត្តិអំពើបែបនេះទៀតឡើយ ដែលជាទង្វើមួយដែលសង្គមស្អប់ខ្ពើមយ៉ាងខ្លាំង ។
ម្យ៉ាងវិញទៀតគ្រួសារជនរងគ្រោះ ក៏បានបញ្ជាក់ថា ដោយសារគាត់មានការអាណិតអាសូរដល់ក្រុមគ្រួសារ និងជនបង្ករដែលជាអនីតិជន ដូច្នេះហើយទើបគាត់យល់ព្រមលើកលែងទោស និងទុកឱកាសដើម្បីកែប្រែខ្លួនអោយក្លាយជាសិស្សល្អ ក្មេងល្អនៅក្នុងគ្រួសារ និងសង្គមជាតិ ។ករណីហិង្សានេះ កើតឡើងកាលពីរសៀលថ្ងៃទី២៥ ខែធ្នូ ឆ្នាំ២០១៩ នៅក្នុងវិទ្យាល័យផ្សារដើមថ្កូវ ។
បន្ទាប់វាយដំលើរាងកាយ ដោយប្រើជើងធាក់ខ្លួន និងចំក្បាលរួចមក ក្រុមជនបង្កបានគំរាមដល់ជនរងគ្រោះថែមទៀត។ ចំណែកជនរងគ្រោះមិនបានទៅរៀនទេ ព្រោះខ្លួនប្រាណជ្រាំពេញខ្លួមប្រាណទាំងអស់។ជនរងគ្រោះឈ្មោះ ស្រ៊ុន កែវមរកត អាយុ១៦ឆ្នាំ រៀនថ្នាក់ទី៨ នៃវិទ្យាល័យដើមថ្កូវ ស្នាក់នៅសង្កាត់ផ្សារដើមថ្កូវ ផ្លូវ៣៤៣០។ ។ ចំណែកក្រុមជនបង្កមានគ្នា៤នាក់ រៀនថ្នាក់ទី៩ម្នាក់ ដោយហៅបក្ខពួកពីខាងក្រៅស្រីវិទ្យាល័យផ្សេងចំនួន ៣ទៀត មកវាយលើជនរងគ្រោះថែមទៀត។
នៅរសៀលថ្ងៃទី១៧ មករា ២០២០ តាមរយៈហ្វេសប៊ុកផេករបស់ Satawath FC 20Satawath FC 20 បានធ្វើការសម្ភាសន៍ផ្សាយផ្ទាល់ ជាមួយក្រុមគ្រួសារ ក្មេងស្រីរងគ្រោះម្នាក់ ។
តាមរយៈកិច្ចសម្ភាសន៍នោះ អាណាព្យាបាលភាគីក្រុមយុវតីជនដៃដល់ជាសិស្សសាលាទាំង៤នាក់ បានសម្របសម្រួលសងសំណងចំនួន ២,០០០ដុល្លារសហរដ្ឋអាមេរិក ដើម្បីបញ្ជប់រឿង ។
តែក្រោយពីបញ្ចប់បទសំភាសន៍ក្មេងស្រីរងគ្រោះបានលួចរត់មកជួបលោកខេ០១សុំឲ្យជួយរកយុត្តិធម៍ឲ្យនាងព្រោះនាងមិនព្រមទទួលយកសំណងទេ។
មូលហេតុគឺពេលសុំទោស ជនបង្កបង្ហាញចារឹកចងគំនុំជាមួយនាងដដែល ។ គេមិនដឹងថា តើក្មេងអនីតិជនដែលស្ថិតក្រោមអំណាចអាណាព្យាបាលអាចទាមទារបន្តនីតីវិធីច្បាប់បានទៀតដែរឬយ៉ាងណានោះទេ ។ ព្រោះខាងឪពុកម្តាយព្រមទទួលសំណងទៅហើយ?។ តែវិធីដែលអាចបន្តគឺសាលាត្រូវតេជួយសម្រួលដល់ការសឹក្សារបស់កុមារីរងគ្រោះដោយគ្មានការភ័យខ្លាចទើបបាន ៕
