ខេត្តព្រៃវែង៖ ល្បែងស៊ីសងជល់មាន់និងអាប៉ោងដុះស្លែមួយកន្លែងស្ថិតនៅចំណុច ជិតព្រំប្រទល់ស្រុកកំពង់ត្របែក ក្នុងភូមិអង្គ ឃុំអង្គសរ ស្រុកមេសាង ខេត្តព្រៃវែង ត្រីវបានប្រជាពលរដ្ឋរាយការណ៍ថាបាននឹងកំពុងបើកលេងយ៉ាងរលូនសង្ស័យសមត្ថកិច្ចមូលដ្ឋានត្រូវថ្នាំសណ្តំដេកលក់បើកភ្នែកលែងរួចហើយ ។
ប្រភពពីប្រជាពលរដ្ឋបានឲ្យដឹងថា ទីតាំងល្បែងស៊ីសងខាងលើនេះបើកលេងជារៀងរាល់ថ្ងៃ ដែលមានម្ចាស់ឈ្មោះ ធុច បើកលេងបានដោយសេរី មិនមានសមត្ថកិច្ចណាហ៊ានបង្ក្រាបនោះទេ។ ប្រភពបានបន្តទៀតថា ពួកគាត់សង្ស័យថា សមត្ថកិច្ចប្រហែលជាបានទទួលលាភសក្ការៈពីល្បែងស៊ីសងនេះហើយមើលទៅបានជាសមត្ថកិច្ចបិទភ្នែកធ្វើមិនដឹងមិនឮយ៉ាងដូច្នេះ។
ជារៀងរាល់ថ្ងៃនេះ ពួកគាត់មានការព្រួយបារម្ភយ៉ាងខ្លាំងពីសុវត្ថិភាពក្នុងការរស់នៅហើយនឹងមានការរំខានដោយសំឡេងហ៊ោកញ្ច្រៀវពីអ្នកញៀនល្បែងអស់ទាំងនេះអ្វីដែលពួកគាត់ព្រួយបារម្ភបំផុតនោះគឺខ្លាចមានអំពើចោរកម្មណាមួយកើតឡើងនៅក្នុងភូមិរបស់គាត់។
ប្រជាពលរដ្ឋសូមសំណូមពរដល់លោកស្នងការខេត្តព្រៃវែងចុះបង្ក្រាបល្បែងជល់មាន់នេះផងបើសង្ឃឹមលើលោកអធិការស្រុកមេសាងគឺកក់ក្តៅដូចអាំងផេះដើម្បី ភូមិ ឃុំ មានសុវត្ថិភាព៕
