បន្ទាប់ពីសារពត៌មានយើងបានចេញផ្សាយនូវពត៌មានមួយពាក់ព័ន្ធនឹងទីតាំងសង្វៀនជល់មាន់ អាប៉ោង បៀរ មួយកន្លែងស្ថិតនៅភូមិលូម ឃុំម៉ាលិច ស្រុកអណ្តូងមាស ខេត្តរតនៈគីរី សមត្ថកិច្ចអាជ្ញាធរ មិនហ៊ានបង្ក្រាប់ កាលពីថ្ងៃទី29 ខែធ្នូ ឆ្នាំ2019 រួចមកការិយាល័យយើងបានទទួលពត៌មានជាច្រើនពាក់ព័ន្ធ និងពត៌មានខាងលើ។
តាមប្រភពពត៌មានពីប្រជាពលរដ្ឋនៅជិតទីតាំងអោយយើងថាៈ ទីតាំងសង្វៀនជល់មាន់ លេងអាប៉ោង បៀរ ស្ថិតនៅភូមិលូម ឃុំម៉ាលិច ស្រុកអណ្តូងមាស ខេត្តរតនៈគីរីជារបស់លោកអនុសេនីយ៍ទោ ទួន មេសា អត្តលេខ 55740 ជានាយរងប៉ុស្តិ៍នគរបាលការពារព្រំដែនលេខ 707 ពាមអូរសាថី ស្រុកអណ្តូងមាស ខេត្តរតនៈគីរី ត្រូវជាក្មួយប្រុសរបស់លោក ឧត្តមសេនីយ៍ទោ យិន ចំណាន ស្នងការនគរបាលខេត្តរតនៈគីរី ។ ប្រភពដដែលបន្តទៀតថាកាលពីថ្ងៃទី29 ខែធ្នូ ឆ្នាំ2019 កន្លងទៅមានការចាប់ដកហូតយកទូរស័ព្ទរបស់អ្នកកាសែតពីសំណាក់អ្នកមើលការខុស ត្រូវសង្វៀនជល់មាន់ខាងលើក៏ជាបញ្ជារបស់លោកអនុសេនីយ៍ទោ ទួន មេសា ដែលមិនមែនជាទង្វើររបស់ អ្នកមើលការខុសត្រូវនោះ ព្រោះថាបើតាមពួកយើងដឹង (ប្រជាពលរដ្ឋ) អ្នកមើលការខុសត្រូវសង្វៀនជល់ មាន់ ឬមេការនោះក៏ជាអ្នកកាសែតដែរ ដូច្នេះហើយគាត់មិនអាចធ្វើទង្វើរមិនល្អណាមួយទៅលើអ្នកកាសែត ដូចគ្នានោះទេ បើមិនមានបញ្ជាពីសំណាក់ម្ចាស់សង្វៀនជល់មាន់នោះ។
តាមប្រភពពត៌មានពីប្រជាពលរដ្ឋក៏ដូចជាក្រុមអ្នកសារពត៌មានអនឡាញ់មួយចំនួនប្រចាំការនៅ ខេត្តរតនៈគីរីបានរៀបរាប់ប្រាប់អ្នកសារពត៌មានយើងថាលោកអនុសេនីយ៍ទោ ទួន មេសា តួនាទី ត្រឹមតែនាយរងប៉ុស្តិ៍នគរបាលការពារព្រំដែនលេខ 707 ពាមអូរសាថី ប៉ុណ្ណោះ តែលោកដើរតួរដូចខ្លួនឯងជាស្នងការខេត្តអញ្ចឹង ដើរចាប់ដើរបង្ក្រាបប្រជាពលរដ្ឋដែលគ្នារកស៊ីកាប់ឈើដឹកតាមម៉ូតូ យកទៅលក់អោយដេប៉ូឈើក្នុងស្រុក អណ្តូង គ្រាន់បានកំរ៉ៃបន្តិចបន្តួចគ្រាន់ចិញ្ចឹមជីវិតក៏មិនរួចពីកណ្តាប់ដៃលោកអនុសេនីយ៍ទោ ទួន មេសា ឡើយ។
ប្រភដដែលបន្តថា ចំណែកឯលោកអនុសេនីយ៍ទោ ទួន មេសា វិញខ្លួនជា នាយរងប៉ុស្តិ៍នគរបាលការពារព្រំដែនលេខ 707 ពាមអូរសាថីទេ តែរកស៊ីបើកសង្វៀនជល់មាន់ អាប៉ោង បៀរ ជាពិសេសគឺជាឈ្មួញឈើដ៏ធំប្រចាំស្រុកអណ្តូងមាសថែមទៀតផង ។
លើសពីនេះទៅទៀតសូម្បីតែល្បែងជល់មាន់តាមអនឡាញជាច្រើននៅតាមបណ្តាហាងកាហ្វេមួយចំនួនស្ថិតនៅទីប្រជុំស្រុកអណ្តូងមាស និងតាមទីប្រជុំជនក្នុងឃុំនានាក្នុងទឹកដីស្រុកអណ្តូងមាសក៏ជារបស់លោកអនុសេនីយ៍ទោ ទួន មេសា ផងដែរ គិតលោកទួន មេសា ពូកែរកចំណូលយ៉ាងនេះ មិនគួរណាឯកឧត្តមសន្តិបណ្ឌិត នេត សាវឿន ប្រគល់តួនាទីអោយត្រឹមនាយរងប៉ុស្តិ៍ឃុំនោះទេ គួរតែងតាំងអោយឡើងធ្វើជាអធិការស្រុក ឬស្នងការខេត្តបានសមហ្នឹងសមត្ថភាពមន្ត្រីពូកែរកចំណូលដូចជាលោកអនុសេនីយ៍ ទួន មេសា ។
គួររំលឹកផងដែរថាករណីមេការ ឬអ្នកមើលការខុសត្រូវសង្វៀនជល់មាន់ឈ្មោះ គឹម ហេង ចាប់ដកហូតយកទូរស័ព្ទដៃរបស់អ្នកសារពត៌មានកាលពីថ្ងៃទី29 ខែធ្នូ ឆ្នាំ2019 នៅត្រង់សង្វៀនជល់មាន់ ស្ថិតនៅភូមិលូម ឃុំម៉ាលិច ស្រុកអណ្តូងមាស កន្លងទៅគឺមិនត្រូវបានបុគ្គលដែលជាអ្នកសារពត៌មានត្រូវបានគេដកហូតយកទូរស័ព្ទដៃទៅលប់រូបភាព និងឯកសារមួយចំនួនចោលដាក់ពាក្យប្តឹងឡើយ នេះបើយោងសម្តីរបស់អ្នកសារពត៌មានរូនបោះបានប្រាប់តាមទូរស័ព្ទម្សិលម៉ិញ ។នេះទំនងប្រហែលជាមានការគំរាមកំហែងពីសំណាក់ស្ថានប័ន សមត្ថកិច្ចថ្នាក់ណាមួយហើយមើលទៅ? បានជាអ្នកសារពត៌មានរូបនោះមិនដាក់ពាក្យបណ្តឹង។
ពាក់ព័ន្ធនិងពត៌មានខាងលើអ្នកសារពត៌មានយើងមិនអាចសុំការបកស្រាយ ឬពន្យល់ពីសំណាក់លោក ទួន មេសា បានឡើយ ដោយមិនស្គាល់លេខទូរស័ព្ទ ចំណែកលោកអធិការនគរបាលស្រុកអណ្តូងមាស និងលោកឧត្តមសេនីយ៍ទោ យិន ចំណាន ស្នងការនគរបាលខេត្តរតនៈគីរី ក៏មិនអាចសុំការបកស្រាយ ឬពន្យល់បានដែរ កាលពីម្សិលម៉ិញ ព្រោះជាថ្ងៃគេឈប់សម្រាក។ ដូច្នេះហើយការិយាល័យយើងសូមរងចាំការបកស្រាយ និងពន្យល់ពីសំណាក់អស់លោកអ្នកពាក់ព័ន្ធ និងពត៌មាននេះរាល់ម៉ោងធ្វើការ ។
