ខណៈនេះទោះបីរាជរដ្ឋាភិបាលកម្ពុជាបានចេញ វិធានការបង្ការបង្ក្រាបបទល្មើសព្រៃឈើ យ៉ាងតឹងរឹងយ៉ាងណាក្ដី បទល្មើសព្រៃឈើ នៅតែកើតមានមិនឈប់មិនឈរ ដោយមិនដឹងថាតើការបង្ការ បង្ក្រាបបទល្មើសព្រៃឈើរបស់រាជរដ្ឋាភិបាលកម្ពុជានេះ មានប្រសិទ្ធិភាពកំរិតណាតទៅអនាគត។
ក្រោយដែលរាជរដ្ឋាភិបាល បានបញ្ចេញកណ្ដាប់ដៃដែកចាត់វិធានការក្រុមឈ្មួញព្រៃឈើ ក្នុងនោះក៏មានឧកញ៉ាគ្រាក់ៗ រត់ចោលស្រុក ខ្លះលាក់មុខដូចពង្រូល ភ័យខ្លាចគេចាប់ញាត់គុកអញ្ចឹងដែរស្ងប់ស្ងាត់បានមួយឆាវចឹងទៅ អំពីបទល្មើសព្រៃឈើហ្នឹង! ។
ប៉ុន្តែបើយើងក្រឡេកមកមើល ស្ថានភាពជាក់ស្ដែងសព្វថ្ងៃនេះវិញ ការបង្ការ និងបង្ក្រាបបទល្មើសព្រៃឈើរបស់មន្ត្រីអាជ្ញាធរមានសមត្តកិច្ច ហាក់បីដូចជារាងបន្ធូដៃ ទើបបានជាឈ្មួញរកស៊ីឈើមានឳកាសរស់ឡើងវិញ ជាបន្តបន្ទាប់ ដោយគ្មានឃើញមន្ត្រីប៉ូលិស ប៊េអិម ខាងណាមានចំណាត់ការលើពួកឈ្មួញនេះសោះ។
ជាក់ស្ដែងថ្មីៗនេះ មានឈ្មួញល្មើសព្រៃឈើ ដ៏ដុះស្លែ នៅខេត្តក្រចេះ បានដឹកឈើចេញពីព្រៃសមាគមន៍រលួស ភូមិរលួស ស្រុកសំបូរ យកទៅចែកចាយ និងដឹកទៅប្រទេសវៀតណាមយ៉ាងសំញ៉ែងទាំងថ្ងៃទាំងយប់ ដោយគ្មានការកោតគ្រែងរអា ច្បាប់អ្វីបន្តិចសោះ នោះមិនដឹងថាពួកគេអាងអ្វី?
ប្រជាពលរដ្ឋរស់នៅតំបន់នោះ អ្នកណាក៏គេដឹង បានឃើញ តែមិនដឹងថាមន្ត្រីប៉ូលិសមានសមត្តកិច្ចពាក់ព័ន្ធ នៅទីនេះបានឃើញ ឬធ្វើមិនឃើញនោះទេ សារពត៌មានបញ្ញវន្តខ្មែរយើងព្យាយាមសុំការបំភ្លឺពីអាជ្ញាធរ រដ្ឋបាលព្រៃឈើទីនោះដែរ តែទូរស័ព្ទមិនអាចទាក់ទងបាន៕
