ភ្នំពេញ៖ អ្នកនាង ពេជ្រ សោភាតារាចម្រៀងស្រីលំដាប់ជួរមុខ មានសន្ទុះយ៉ាងខ្លាំងក្នុងវិថីសិល្បៈនោះដែលល្បីថានឹងចូលរោងការជាមួយតារាសម្តែងឆឺមសក្តាបានបង្អួតខ្សែកមាសតម្លៃរាប់ពាន់ដុល្លារ ។
ឆ្នាំ២០១៩ នេះជាឆ្នាំមាស របស់ខ្លួន នោះអ្នកនាង ពេជ្រ សោភា ក៏ទើបតែបានធ្វើការផ្លាស់ប្ដូររថយន្តរបស់ខ្លួន ដែលមានតម្លៃរាប់ម៉ឺនដុល្លារផងដែរ ធ្វើឲ្យបណ្ដាអ្នកគាំទ្រ មានការភ្ញាក់ផ្អើលមិនស្ទើរនោះទេ។
តារាចម្រៀងស្រីដែលជាម្ចាស់បទចម្រៀង«សង្សារមួយខែ ពីរខែ»អ្នកនាង ពេជ្រ សោភា រូបនេះជោគជ័យខ្លាំង ក្នុងវិស័យសិល្បៈ នាពេលកន្លងមក ។
បើតាមការបង្ហោះរូបភាពជាច្រើន នៅលើគណនីហ្វេសប៊ុកផ្លូវការរបស់ខ្លួន ជាមួយនឹងឈុតសម្លៀកបំពាក់ពណ៌ស រំលេចទៅដោយរថយន្តស៊េរីទំនើប ធ្វើឲ្យមានការចាប់អារម្មណ៍ ពីអ្នកប្រើប្រាស់បណ្ដាញសង្គមខ្លាំងជាពិសេសនោះគឺគ្រឿងអលង្ការខ្សែកពេជ្រមួយឈុតដែលមានតម្លៃកប់តែម្តង គឺរាប់ម៉ឺនដុល្លារ។
រូបសម្រស់របស់ អ្នកនាង ពេជ្រ សោភា ទៅលើតុបតែងខ្លួន នោះមើលទៅពិតជាស្រស់ស្អាតប្លែកមិនចាញ់តារាបរទេសនោះទេ បើទោះជាខ្លួន មានអាយុច្រើនក៏ដោយ។
