ខេត្តឧត្ដរមានជ័យ ៖ ក្នុងមួយថ្ងៃៗ មានសត្វមាន់រស់ នាំចូលពីប្រទេសថៃ តាមច្រកទ្វារអន្តរជាតិអូរស្មាច់មិនតិច ជាង ១៥តោនទេគឺច្រើជាងការកំណត់របស់ក្រសួងកសិកម្មដោយក្រុមហ៊ុន ឆៃណា ដែលគេជឿថាមិនបង់ពន្ធឬបង់មិនគ្រប់ ។
បើយោងទៅតាមក្រុមអាជីវកររកស៊ីលក់មាន់ នៅសង្កាត់អូរស្មាច់ ក្រុងសំរោង នៅថ្ងៃទី២០ ខែធ្នូ ឆ្នាំ២០១៩ មកថា មន្ដ្រីជំនាញពេទ្យសត្វ បានឃុបឃិតជាមួយនឹងក្រុមហ៊ុន ឆៃណា នាំចូលសត្វមាន់រស់ ពីប្រទេសថៃ ក្នុងមួយថ្ងៃ ជាង ១៥.០០០ក្បាល (មួយម៉ឺនប្រាំពាន់ក្បាល) ដែលបើតាមច្បាប់អនុញ្ញាតិក្រសួងកសិកម្ម ឲ្យនាំចូល ត្រឹមតែ ៣.០០០ក្បាល (បីពាន់ក្បាល) ក្នុងមួយថ្ងៃប៉ុណ្ណោះ និងបង់ពន្ធជូនរដ្ឋ ត្រឹមតែបីពាន់ក្បាល តាមច្បាប់ក្រសួងកំណត់ ។
ក្រុមអាជីវកររកស៊ីលក់មាន់ បានបន្តថា អាជីវកម្មនាំមាន់ចូលពីប្រទេសថៃតាមរយៈក្រុមហ៊ុន ឆៃណា ក្រៅពីបង់ពន្ធមិនគ្រប់ដោយសារត្តរូវជាមួយគយវាក៏មានពត៍មានថាក្រុមហ៊ុនអាចធ្វើបានគឺ ដោយត្រូវគ្នាតាំងពីពេទ្យសត្វខេត្ត រហូតដល់ក្រសួងកសិកម្ម ក្នុងនោះក៏វត្ដមានលោក តាន់ ផាន់ណារ៉ា អគ្គនាយកដ្ឋានបសុពេទ្យ ផងដែរ ។
បញ្ជាក់ សត្វមាន់នាំចូលពីប្រទេសថៃដូចគ្នាពីខេត្តផ្សេងៗ ត្រូវបានក្រសួង និងអគ្គនាយកដ្ឋានបសុពេទ្យ បង្ក្រាបគ្មានសល់ ចុះមូលហេតុអ្វី បានជាក្រុមហ៊ុន ឆៃណា បង់ពន្ធមិនគ្រប់ កូពីច្បាប់ ចែកគ្នាដឹកជញ្ជូនទូទាំងប្រទេស បែរជាគ្មានវិធានការបង្ក្រាបទៅវិញ? ។
ពលរដ្ឋរស់នៅក្រុងសំរោង បានបញ្ជាក់ថា ពីមុនពួកគាត់រកស៊ីដឹកមាន់បន្តិចបន្តួច បានដោយរលូន តែពេលនោះ ត្រូវបានក្រុមហ៊ុន ឆៃណា ដេញថ្លៃផ្ដាច់មុខ ក្រុមហ៊ុនបានបង្ខំ និងតម្រូវឲ្យពួកគាត់បង់ប្រាក់ក្នុងមួយតាការ ២ម៉ឺនរៀល ធ្វើឲ្យពួកគាត់មិនអាចរកស៊ីបាន។ជុំវិញករណីខាងលើ ក្រុមការងារ មិនអាចស្វែងរកសុំការបំភ្លឺពីលោក តាញ់ បុត្តា មេពេទ្យសត្វខេត្តឧត្ដរមានជ័យទូសព្ទ័ចូលចុចជាប់រវល់ ។
សូមបញ្ជាក់ដែរថា៖ ក្នុងរយៈពេលថ្មីៗចុងក្រោយនេះ ក្រសួងកសិកម្ម រុក្ខាប្រមាញ់ និងនេសាទ បានដាក់ចេញវិធានការថ្មីមួយទៀត នោះគឺការផ្អាកនាំចូលពីប្រទេសថៃ ដោយទុកតែការនាំចូលពី វៀតណាមនោះ បានបង្កឲ្យក្រុមអាជីវករ ដែលធ្លាប់រកស៊ីនាំសត្វបក្សី (មាន់) រស់ពីប្រទេសថៃរាប់សិបឆ្នាំ បានជួបការលំបាក និងជាពិសេសប៉ះពាល់ដល់ជីវភាពប្រចាំថ្ងៃតគ្នា ទាំងអ្នកនាំចូល និងអ្នកទទួលទិញយកទៅលក់បន្ដឲ្យអ្នកបរិភោគ។
ចំណាត់ការថ្មីមួយនេះរបស់ក្រសួងកសិកម្ម បានធ្វើឡើងក្រោមហេតុផលថា តម្រូវការជាក់ស្ដែង នៃការនាំចូលសត្វមាន់រស់ពីប្រទេសជិតខាង មានការកើនឡើងយ៉ាងគំហុក លើសពីតម្រូវការក្នុងស្រុក និងហេតុផលមួយទៀតនោះ គឺប៉ះពាល់ដល់អ្នកចិញ្ចឹមសត្វមាន់ និងសត្វបក្សីផ្សេងទៀតនៅក្នុងស្រុកផងដែរ។ប៉ុន្តែបើតាមសេចក្តីរាយការណ៍ខាងលើដោយសារប្រយោជន៍គឺគ្មានអ្នកស្តាប់ឡើយ៕
