ព្រះសីហនុ៖ បុរសជនជាតិចិន ២នាក់ ត្រូវបាននគរបាលព្រុំដែនទឹកបាញ់ឲ្យស្លាប់មួយនិងរងរបួសនៅក្នុងផ្ទះដោយចោទថាចូលលួចទ្រព្យសម្បត្តិក្នុងផ្ទះមួយកន្លែង ស្ថិតក្នុងភូមិ០៣ សង្កាត់លេខ០៤ ក្រុងព្រះសីហនុ ខេត្តព្រះសីហនុ កាលពីកាលពីទៀបភ្លឺ ឈានចូលថ្ងៃទី២៣ ខែធ្នូ ឆ្នាំ២០១៩នេះ។
សមត្ថកិច្ចមូលដ្ឋានបានឲ្យដឹងថាករណីជនជាតិចិន២នាក់ចូលទៅគាស់ទូរដែកបម្រុងយកប្រាក់ ហើយក្នុងពេលជនសង្ស័យ កំពុងធ្វើសកម្មភាព ម្ចាស់ផ្ទះដែលជាមន្ត្រីនគរបាលព្រំដែនទឹក ចូលទៅទាន់។
ខណៈនោះ ក្រុមជនសង្ស័យបានប្រើដែកគាស់២ដើម វាយទៅលើជនរងគ្រោះ ប៉ុន្តែភ្លាមនោះម្ចាស់ផ្ទះជាមន្ត្រីនគរបាលព្រំដែនទឹក ដែលមានអាវុធក្នុងដៃ បានផ្ទុះអាវុធជាច្រើនគ្រាប់បាញ់ ទៅលើក្រុមជនសង្ស័យក្រោមហេតុផលថាការពារខ្លួន បណ្តាលឲ្យជនសង្ស័យម្នាក់ស្លាប់នៅកន្លែងកើតហេតុ និងម្នាក់ទៀតរបួសធ្ងន់ បច្ចុប្បន្នកំពុងសង្គ្រោះគ្រោះនៅមន្ទីរពេទ្យបង្អែកខេត្ត (ពេទ្យចំការចេក)។
សមត្ថកិច្ចបញ្ជាក់ថា ម្ចាស់ផ្ទះឈ្មោះ លី ទី ភេទប្រុស អាយុ៣៥ឆ្នាំ មុខរបរនគរបាលព្រំដែនជើងទឹក។ បច្ចុប្បន្ននេះ សមត្ថកិច្ចនៅមិនទាន់ស្គាល់សាវតាជនជាតិចិនទាំង២នាក់ នៅឡើយ និងកំពុងតែធ្វើការស្រាវជ្រាវបន្តរតាមនីតិវិធី។ទោះជាយ៉ាងណាគេនៅមិនច្បាស់ថាអំពើរឃាតកម្មបាញ់ប្រហាបែបនេះជាសកម្មភាពសម្លាប់ចោរមែនឬក៏ជាការបាញ់ដោយសារទំនាស់រួចចោទថាគាស់ទូដែកតែម្តងទៅនោះឡើយ ៕