ខេត្តព្រៃវែង៖ មានករណី បុរសម្នាក់បានខ្យល់គរធ្លាក់ពីលើទូកលង់ទឹងស្លាប់ នៅវេលាម៉ោង៨.១០នាទី ថ្ងៃទី១៥ ខែសីហា ឆ្នាំ២០១៦នេះ នៅចំណុចបឹងទួលផ្សោត ស្ថិតនៅក្នុងភូមិព្រែកចាម ឃុំបន្លិចប្រាសាទស្រុកពាមរក៏ ខេត្តព្រៃវែង។ ជនរងគ្រោះត្រូវបានគេស្គាល់ថា មានឈ្មោះ សំម៉ាត់ ភេទប្រុសអាយុ៥២ឆ្នាំ ជនជាតិខ្មែរ មុខរបរកសិកររស់នៅភូមិឃុំកើតហេតុខាងលើ។
មូលហេតុដោយសារតែជនរងគ្រោះ មានភាពក្រីក្ររកព្រឹកខ្វះល្ងាច រកល្ងាចខ្វះព្រឹកជនរងគ្រោះបានអ៊ុំទូកចេញពីផ្ទះទៅមើលបូមដាក់ត្រីដើម្បីដោះស្រាយជីវភាពខ្វះខាតក្នុងគ្រួសារ ហូបចុកមិនគ្រប់គ្រាន់បណ្ដាលឲ្យសុខភាពទន់ខ្សោយផង អ៊ុំទូកមកដល់ចំណុចកើតហេតុក៏បានខ្យល់គរធ្លាក់ពីលើទូកលង់ស្លាប់យ៉ាងអាណោចអាធ័ម។
សមត្ថកិច្ចនគរបាលស្រុកពាមរក៏ បានចុះទៅពិនិត្យធ្វើកោសល្យវិច្ច័យ ដល់កន្លែងកើតហេតុ និងសណ្ឋានថានេះពិតជាស្លាប់ដោយសារខ្យល់គរធ្លាក់ទឹកពិតមែន បច្ចុប្បន្នសាកសពជនរងគ្រោះត្រូវបានសមត្ថកិច្ចនគរបាន ប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី៕