ភ្នំពេញ ៖ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា បានចេញព្រះរាជក្រម ប្រកាសឲ្យប្រើ ច្បាប់ស្តីពីការអនុម័តយល់ព្រមលើសន្ធិសញ្ញាបំពេញបន្ថែមលើសន្ធិសញ្ញាកំណត់ព្រំដែនរដ្ឋឆ្នាំ១៩៨៥ និងសន្ធិសញ្ញាបំពេញបន្ថែមឆ្នាំ២០០៥ រវាងកម្ពុជា និងវៀតណាម ។
ច្បាប់សន្ធិសញ្ញាបំពេញបន្ថែមដ៏ចម្រូងចម្រាស់នេះ ត្រូវបានរដ្ឋសភានាសម័យប្រជុំរដ្ឋសភា លើកទី៣ នីតិកាលទី៦អនុម័តកាលពីថ្ងៃទី៤ ខែវិច្ឆិកា ឆ្នាំ២០១៩ ។បន្ទាប់មកព្រឹទ្ធសភាបានពិនិត្យចប់សព្វគ្រប់លើទម្រង់ និងគតិច្បាប់នេះ ទាំងស្រុង កាលពីថ្ងៃទី១៨ ខែវិច្ឆិកា ឆ្នាំ២០១៩ នាសម័យប្រជុំពេញអង្គ លើកទី៤ នីតិកាលទី៤ ។
សន្ធិសញ្ញាបំពេញបន្ថែមនេះ គឺ ត្រូវបានរដ្ឋសភា ផ្សព្វផ្សាយជាសាធារណៈ នៅថ្ងៃទី២០ ខែធ្នូ នេះ តាមរយៈហ្វេសប៊ុកផេកផ្លូវការរបស់រដ្ឋសភា ៕