ខេត្តកំពង់ឆ្នាំង ៖ លោកស្រី បណ្ឌិត ឧកញ្ញ៉ា សៀង ចាន់ហេងប្រធានក្រុមហ៊ុន ហេងអភិវឌ្ឈន៍បានចំណាយថវិការជួយឧបត្ថម្ភកសាងផ្លូវលំមួយខ្សែ នៅចំណុចវត្តយុគន្ធរ ស្ថិតក្នុងភូមិ.ឃុំឆ្នុកទ្រូ ស្រុកបរិបូរណ៍ ខេត្តកំពង់ឆ្នាំងតែ មិនបានប៉ុន្មានខែ រងការខូចខាតស្ទើទាំងស្រុង ដោយសាអ្នកស្ថាបនានិងអ្នកគ្រប់គ្រងខ្វះបច្ចេកទេសគ្មានទំនួលខុសត្រូវ។
លោកស្រី បណ្ឌិត ឧកញ្ញ៉ា សៀង ចាន់ហេងចំណាយថវិការក្នុងគោលបំណងជួយសម្រួលពីផលលំបាករបស់ប្រជាពលរដ្ឋបម្លាស់ទីពីទឹកឡើងគោក ងាយស្រួលក្នុងការធ្វើដំណើរ ។ ប៉ុន្តែទឹកចិត្តអាណិតអាសូនិងទឹកចិត្តសប្បុរធម៍របស់លោកស្រី មិនបានសម្រេចដូចក្ដីសុបិន្ដរបស់លោកស្រីឡើយ ខណៈបច្ចុប្បន្ននេះប្រជាពលរដ្ឋជួបការលំបាកទ្វេរដង ដោយផ្លូវលំមួយខ្សែនេះរងការខូចខាតទឹកហូច្រោះ រថយន្ដមិនអាចចេញ ចូលដឹកទំនិញផ្សងៗបានឡើយ ។
ករណីខាងលើនេះប្រជាពលរដ្ឋសូមសំនូមពរលោកស្រីបណ្ឌិត ឧកញ្ញ៉ា សៀង ចាន់ហេង មេត្តា ជួយសម្រួលឬជួយស្ថាបនាបន្តទៀតផងម្យ៉ាងទៀតសូមអោយជីកប្រឡាយតែមួយចំហៀងផ្លូវបានហើយ កន្លងមកជីកប្រឡាយសាងខាងប៉ះពាល់ដល់ផ្លូវចូលផ្ទះពួកគាត់ផង។
