ខេត្តបន្ទាយមានជ័យ ៖ លោកឧត្តមសេនីយ៍ត្រី អ៊ី ចំរើន អត្តលេខ៥៨៥៨១ នាយប៉ុស្តិ៍ដ៏មានឥទ្ធិពលនៅ ច្រកព្រំដែន អន្តរជាតិនៃ អូរយ៉ាដាវ ត្រូវបានប្រកាស់តែងតាំង ឲ្យចូលកាន់តំណែង ជានាយប៉ុស្តិ៍ នគរបាលច្រកទ្វារព្រំដែន អន្តរជាតិប៉ោយប៉ែតដែលជាច្រកត្រូវប៉ាន់ ។
ឯលោកវរសេនីយ៍ឯក ខឹម ចិត្ត្រា ដែលឡើងជានាយប៉ុស្តិ៍ច្រកទ្វារព្រំដែន អន្តរជាតិប៉ោយប៉ែតបានប៉ុន្មានខែ ត្រូវបានថ្នាក់លើផ្ទេរភារកិច្ចឲ្យទៅបម្រើការងារ ជានាយប៉ុស្តិ៍ច្រកទ្វារព្រំដែនអន្តរជាតិអូរយ៉ាដាវ ខេត្តរតនគីរីជំនួសវិញ ។
ពិធីនេះត្រូវបានធ្វើឡើងកាលពីរសៀលថ្ងៃទី២០ ខែធ្នូ ឆ្នាំ២០១៩ ក្រោមអធិបតីភាព នាយឧត្តមសេនីយ៍ ឃុន សំបូរ អគ្គនាយករងនៃអគ្គនាយកដ្ឋាននគរបាលអន្តោប្រវេសន៍ លោក ង៉ោ ម៉េងជ្រួន អភិបាលរងខេត្តបន្ទាយមានជ័យ លោក មាស ច័ន្ទពិសិដ្ឋ ព្រះរាជអាជ្ញារងអមសាលាដំបូងខេត្ត និងមានការចូលរួមពីលោក លោកស្រី មន្ត្រីរាជការ ស្ថាប័នពាក់ពន្ធ័ជាច្រើនរូបផងដែរដោយតាមយោងប្រកាស់លេខ១២៩៨៤បក្រ ចុះថ្ងៃទី០៧ ខែធ្នូ ឆ្នាំ២០១៩ ហត្ថលេខាដោយ សម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ ។