រថយន្តដឹកឈើជន្លង់ម្រេច របស់ថៅកែ ល្បីឈ្មោះម្នាក់ នៅខេត្ត ក្រចេះដឹកតាមរថយន្ត ចំនួនពី១០ ទៅ១៥គ្រឿងក្នុងមួយថ្ងៃៗតាមច្រកចន្ទមូល ខេត្តត្បូងឃ្មុំដោយពុំមានការរំខាន ឬចាប់ឃាត់ពីសំណាក់មន្ត្រីជំនាញសោះឡើយ។
ឈ្មួញជន្លង់ម្រេច ស្ទើរតែជាន់មេជើងប៉ូលិសប៉េអិម អាជ្ញាធរជំនាញបរិស្ថាន និងព្រៃឈើ ទៅហើយ ក៏គង់តែក្រុមមន្ត្រីទាំងនេះសម្ងំធ្វើជាដេកលក់ ដែលអាចជាត្រូវដងត្រូវផ្លែគ្នាទេដឹង បានរឿងបទល្មេសធំជាងក្រទិនទឹកត្រីទៅជាដឹកយ៉ាងរំភើយផាត់ដូចគ្មានរឿងអ្វីកើតឡើយ ម៉ាសេរីបែបហ្នឹង! ។
សព្វថ្ងៃនេះទោះបីរាជរដ្ឋាភិបាលកម្ពុជាបានចេញបទបញ្ជាយ៉ាងតឹងរឹងលើវិធានការបង្ក្រាបបទល្មើស ព្រៃឈើយ៉ាងណាក៏ដោយក៏ឈ្មួញរកស៊ីឈើទាំងនោះ នៅតែមានល្បិចកលប៉ិនប្រសប់ រិះរកវិធីប្រព្រឹត្តបទល្មើសនេះបាន ដោយគេចផុតពីសំណាញ់ច្បាប់បានជារៀងរហូតទៅ មិនដឹងជាមូលហេតុអ្វី បានជាទប់មិនឈ្នះសោះ ។
ជាចម្ងល់របស់ពលរដ្ឋចោទសួរថា “តើករណីនេះវាអាចកើតឡើងបាន ដោយសារតែឈ្មួញទាំងនោះខ្លាំងប៉ិនប្រសប់ ឬក៏មកពីមន្ត្រី អាជ្ញាធរមានសមត្តកិច្ចអន់ជាងអាចម៌មាន់?” បានជាឈ្មួញបទល្មើសព្រៃឈើធ្វើសកម្មភាពបែបជិះសេះលែងដៃបែបនេះបាន៕
