រាជធានីភ្នំពេញ ៖ ករណីប៉ូលីសមួយ ក្រុមដែលមានពាក់កាតនៅ ក និងស្លៀកពាក់ឯកសណ្ឋាន មានស្លាកសញ្ញាសំគាល់របស់អង្គភាពនគរបាលប្រឆាំងគ្រឿងញៀន បានធ្វើសកម្មភាព ជិះម៉ូតូ និង ឡានរបស់អង្គភាពន.ប ដេញតាមចាប់ យុវជនម្នាក់ នៅចំណុចស្ថានីយ៍ប្រេងឥន្ធន:ផ្លូវ ២០០៤ (សេះស) កាល ពីព្រឹកថ្ងៃទី១០ ខែ ធ្នូ ឆ្នាំ ២០១៩ បង្កការភ្ញាក់ ផ្អើល និងភ័យខ្លាចដល់ ប្រជាពលរដ្ឋក្នុងរាជធានី ភ្នំពេញ ហើយថែមទាំង បានសំឡុតគំរាមកំហែង មកលើអ្នកកាសែតជា ច្រើននាក់ពេលដែលថតឡាយ Videos អំពីសកម្មភាព នៃការចាប់ មនុស្សដាក់ខ្នោះដៃនៅ តាមផ្លូវសាធារណ: ដោយមិនប្រាប់ពីហេតុ ផលអ្វីឡើយពេលអ្នក កាសែតចោមរោមសួរ និងlive ឡើងកក្រើក facebook។
ទោះជាដៃជាប់ខ្នោះរបស់ប៉ូលីសហើយក្តី ក៏យុវជនរូប នោះបានស្រែកទាមទារ អោយប៉ូលីសប្រាប់ពីហេតុផល និងឆែកឆេរ លើខ្លួនប្រាណ និងក្នុង ម៉ូតូដើម្បីរកគ្រឿងញៀន នៅហ្នឹងមុខអ្នកកាសែត ក្នងកន្លែងកើតហេតុនោះដែរ តែក្រុមប៉ូលីស បែរជាទាញរុញបញ្ចូលក្នុងឡានដែលមានស្លាក ឡូហ្គោសំគាល់ថា ជារបស់អង្គភាពនគរបាល ប្រឆាំងគ្រឿងញៀនដឹក ចេញយ៉ាងប្រញ៉ាប់ប្រញ៉ាល់បំផុត ។
ស្របពេលជាមួយគ្នានេះដែរ មន្ត្រីប៉ូលីសម្នាក់ក្នុងក្រុមប្រតិបត្តិការ បានស្រែកសំឡុតនិងចង្អុល មុខគំរាមមកលើអ្នក កាសែតថាបើបែកការណ៍ករណីនេះពួកគេនឹងកោះហៅអ្នក កាសែតទាំងនោះមិនលើកលែងឡើយ។ មិន ត្រឹមតែប៉ុណ្ណឹងប៉ូលីស រូបនោះ បានលើកយក អនុសាសន៍សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ថា ការបង្ក្រាបគ្រឿង ញៀនគឺត្រូវធ្វើដូចភ្លៀង រលឹម ។
OK មហាជន និងប្រជាពលរដ្ឋសូមគាំទ្រយ៉ាងពេញទំហឹងនូវ វិធានការ នឹងចំណាត់ការ បង្ក្រាបគ្រឿងញៀនដូចភ្លៀង រលឹមតាមអនុសាសន៍ របស់សម្តេចក្រឡា ហោម ស ខេង ប៉ុន្តែ សូមអោយសមត្ថកិច្ច ដឹកនាំការបង្ក្រាបគ្រឿង ញៀនអនុវត្តនីតិវិធី អោយត្រឹមត្រូវតាមច្បាប់ ប្រកបដោយតម្លាភាព និង ភាពស្អាតស្អំ កុំយក លេះកន្ទេលធំបន្លំដេក(ចាប់មនុស្សគាបស៊ីលុយ) ត្រូវតែបើក ចំហរ បង្ហាញភស្តុតាង ឬ ដីកាតុលាការមុនពេលចាប់មនុស្សវៃខ្នោះ តាមទីសាធារណ: និង មិនត្រូវរារាំងអ្នកកាសែត មិនអោយថតផ្សាយ Live ផ្ទាល់អំពីសកម្ម ភាពនោះទេ ផ្ទុយទៅ វិញប៉ូលីសគួរតែបំភ្លឺផ្តល់ ព័ត៌មានដល់អ្នកកាសែតដើម្បីធ្វើការផ្សព្វផ្សាយអោយមហាជន និង ប្រជាពល រដ្ឋបានដឹងនិងយល់ច្បាស់ពីបញ្ហានៃការតាម ចាប់មនុស្សវ៉ៃខ្នោះបែប នេះ?។
ព្រោះក្រោយការចាប់វ៉ៃខ្នោះដៃដឹកឡានទៅកន្លែងប៉ូលីសបែរជាខាងប៉ូលីសបង្ហាញមុខយុវជនជាប់ខ្នោះដៃថាមានគ្រឿងញៀនចំនួន៧កញ្ចប់ តើមានតម្លាភាពទេ? បើសិនជា មានការបំភ្លឺ ពន្យល់ហេតុផលច្បាស់លាស់ នោះមហាជននឹងអស់មន្ទិល ហើយក៏មិនជះឥទ្ធិពលអាក្រក់ប៉ះពាល់ ដល់ស្ថាប័ន និង អង្គភាពប្រតិបត្តិការបង្ក្រាបគ្រឿងញៀន ដែរ ។ ដូច្នេះជុំវិញករណី នេះប្រជាពលរដ្ខសំណូមពរទទូចសុំអោយថ្នាក់ដឹកនាំស្ថាប័នជំនាញ មន្ទីរប្រឆាំងគ្រឿងញៀនធ្វើសន្និសីទសារព័ត៌ មានបកស្រាយពន្យល់អំពីនិតីវិធីនៃការចុះប្រតិបត្តិការរបស់ក្រុមសមត្ថកិច្ចបង្ក្រាបគ្រឿងញៀនតាមទីសាធារណ: ដើម្បីកុំ អោយប្រជាពលរដ្ឋ មានការភ័យខ្លាច នៅពេលចុះប្រតិបត្តិការលើកក្រោយៗទៀត ៕
