ភ្នំពេញ ៖ សម័យយើងនេះអារឿងឡើងបុណ្យតាមសែស្រឡាយនិងនុយកាក់ក្លាយទៅជារឿងធម្មតាកែមិនបាននោះទេ។ជាក់ស្ដែងករណីនេះនៅស្នងការនគរបាលរាជធានីបានបង្កឲ្យមានការចាប់អារម្មណ៍ពីមហាជនគឺនគរបាលត្រកូលសែមខ្លាំងផស់គាត់មែន។
លោកវរសេនីយ៍ឯក សែម គន្ធា អត្តលេខ៥៧៣៤៥ពីមុនជា នាយការិយាល័យនគរបាលចរាចរណ៍ផ្លូវគោក នៃស្នងការដ្ឋានគរបាលរាជធានីភ្នំពេញកាលពីថ្ងៃទី៤ធ្នូឆ្នាំ២០១៩ ត្រូវបានសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ផ្ទេរភារកិច្ច និងតែងតាំងមុខតំណែងជាស្នងការរង ទទួលផែនសណ្តាប់ធ្នាប់ នៃស្នងការដ្ឋាននគរបាលរាជធានីភ្នំពេញវីញ។
បន្ទាប់ពីលោក សែម គន្ធា ឡើងជាស្នងការរង ប្អូនប្រុសរបស់លោក គឺលោកវរសេនីយ៍ទោ សែម រតនា អត្តលេខ៧៣២៣១ នាយរងការិយាល័យ បានឡើង ជានាយការិយាល័យនគរបាលចរាចរណ៍ផ្លូវគោក ជំនួសបងប្រុសរបស់ខ្លួនទៅវិញ។នេះបើបើយោងតាមសេចក្ដី ប្រកាសស្តីពីការផ្ទេរភារកិច្ច និងតែងតាំងមុខតំណែង និងតម្លើងឋានន្តរស័ក្តិមន្ត្រីនគរបាល នៃស្នងការដ្ឋាននគរបាលរាជធានីភ្នំពេញចេញដោយសម្តេចក្រឡាហោម។
គួរំលឹកផងដែរថា កាលពីពេលកន្លងមកមន្ដ្រីនគរបាលការិយាល័យ ចរាចរណ៍ផ្លូវគោកក្រោមការគ្រប់គ្រងរបស់លោកសែម គន្ធានេះក៏ធ្លាប់ផ្ញើររបាយការណ៍ស្ដីពីចំណូលមិនប្រក្រតីតាមរយៈការរិតបន្ដឹងច្បាប់ចរាចរណ៍នៅទូទាំងរាជធានីនិងតាមគោលដៅមួយចំនួនដើម្បីរកចំណូលឲ្យមេផងដែរ កាលនោះពួកគាត់មិនសប្បាយចិត្តទៅនឹងទង្វើរបស់មេគាបសង្កត់មកលើកូនចៅតាមគោលដៅនីមួយៗក្នុងការរកលុយឲ្យមេដែរប៉ុន្ដែ ប្រតិកម្មបែបនេះគេមិនឃើញថ្នាក់លើមើលមិនឃើញនោះឡើយ ។
